Pusaq kaq parte: Biblia estudiaqkunata Diospa llaqtanman pusasunchik
Diosta servinanpaq hina estudiota qosun
1. ¿Imanasqam allin kanman sapa semana Bibliamanta yachachispanchik, Jehová Diospa allichasqa llaqtanmanta yachachiy?
1 Bibliamanta yachachispaqa manam yachanallankutachu munanchik, yanapananchiktaqmi cristiana congregacionpi paykunapas kanankupaq (Zac. 8:23). Kaypaqqa allinmi kanman Los testigos de Jehová: ¿quiénes son y qué creen? nisqa folleto. Mosoq estudiantekunaman qoy kay folletota hinaspa kallpanchay leenankupaq. Diospa llaqtan imayna allichasqa kasqanmanta yachachinaykipaq rakiy iskay kimsa minutota sapa semanapi.
2. ¿Imaynatam kallpanchanchikman Biblia estudiaqkunata huñunakuykunaman hamunankupaq?
2 Congregacionpi huñunakuykuna: Bibliamanta estudiantekuna Diospa llaqtanta kuyakunankupaqqa puntatam ñoqanchikwan kuska congregacionpi huñunakuykunaman rinanku (1 Cor. 14:24, 25). Chayraykum semanapi pichqantin huñunakuykunamanta chulla chullamanta yachachinanchik. Hamuq semanapi discurso publicopa temanta willay. Qawachiy imamantam yachasunchik La Atalaya Estudiopi, Estudio de Libro de Congregacionpipas. Willay imaynatam rurakun Escuela del Ministerio Teocrático, Serviciopaq Huñunakuypas. Escuelapi discursoyki kaptinqa ensayawaqmi paykunawan. Willay huñunakuykunapi allin puntokuna uyarisqaykimanta. Yachachiy publicacionninchikkunapi fotokunata qawachispa imaynatam rurakun huñunakuykuna. Estudio qallarichisqaykimantapacha pusay huñunakuykunaman.
3. ¿Diospa llaqtanpi ima ruraykunamantam rimanchikman?
3 Jesuspa wañukusqan yuyarina punchaw, asambleakunapas, otaq circuitopi superintendente visitawananchikpas hichpaykamuchkaptinqa, iskay kimsa minutopi willay imakunatam chay punchawkunapi rurakunqa chaywan kusikuspa kallpanchakunanpaq. As-asllamanta yachachiy kaykunamanta: ¿imanasqam Jehová Diospa testigonkuna nisqawan sutichakunchik?; ¿imanasqam huñunakusqanchik wasita sutichanchik Salón del Reino nispa?; ¿imakunatam ancianokuna hinaspa siervo ministerialkuna ruranku?; ¿imaynatam allichakun predicación, maykunapi predicanapaqpas?; ¿imaynatam rurakun publicacionninchikkuna?; ¿ima qollqewanmi gastokunata ruran Diospa llaqtan?; ¿imatam ruran sucursal hinaspa Cuerpo Gobernante predicación ñawparinanpaq?
4, 5. ¿Imaynatam videonchikkunawan yanapanchikman hukkunapas Diospa llaqtanta masta kuyakunankupaq?
4 Yachachinapaq videokuna: Estudiantekunaqa reqsinkumanmi Jehová Diospa sumaq llaqtanta videonchikkunawan. Chaypaqqa kay videokunatam qawachichwan: Hasta los cabos de la Tierra, Toda nuestra asociación de hermanos, Unidos gracias a la enseñanza divina nisqa videokunata. Huk warmim pichqa wataña revistanchikkunata, libronchikkunatapas chaskisqa, ichaqa Los testigos de Jehová... la organización tras el nombre nisqa videota qawaspataq kusikuymanta waqasqa. Watukuqnin testigokunapim confiakusqa, video qawasqanmantapacha Diospa llaqtanman hapipakapusqa. Paywanmi estudiayta qallarisqaku, qatimuq semanapiñataq Salón del Reinopi huñunakuykunamanpas risqa.
5 Kaykunamanta sapa semanapi iskay kimsa minutollatapas Biblia estudiachisqanchikkunawan rimaptinchik qellqanchikkunawanpas yanapachikuptinchikqa allillamantam Jehová Diospa llaqtanman pusachwanmi.