Predicacionmi yanapawanchik aguantananchikpaq
1 Diospa Palabranqa niwanchik ‘kallpasqanchikta pacienciawan seguinanchikpaq’ (Heb. 12:1). Imayna gananakuypi kallpaq llallinanpaqqa aguantananmi, chaynam ñoqanchikpas aguantananchikmi wiñay kawsay prometewasqanchikta chaskinanchikpaq (Heb. 10:36). ¿Imaynatam Diosta servicionchik yanapawanchik puchukaykama aguantananchikpaq? (Mat. 24:13.)
2 Espiritualpi kallpanchawanchik. Bibliapi allpa pachanchik allinyarunan sumaq promesanmanta willakuyqa suyakuyninchiktam kallpanchan (1 Tes. 5:8). Predicacionman hinalla lloqsispanchik willanchikmi Bibliamanta yachasqanchikta. Iñiyninchikmanta hukkunaman willaspanchikmi kallpanchakunchik espiritual ruraykunapi.
3 Allinta yachachinapaqqa ñoqanchikpunim allinta entiendenanchik Bibliapi cheqapkunata, chaypaqa estudiananchikmi hinaspa yuyaymananchikmi. Kaynata kallpanchakuspaqa astawan yachayta tarisunchik hinaptinpas iñiyninchikta kallpanchasunchik (Pro. 2:3-5). Runamasinchikkunata yanapaypi afanakuspaqa kikillanchikpas kallpanchakunchik (1 Tim. 4:15, 16).
4 Tukuy sonqonchikwan predicacionpi llamkayqa rikchakunmi allin kaqta ‘harkachikunanchikpaq Diospa llapallan qowasqanchikpa armankunaman’, chaytaqa churakunanchikmi Diablowan supayninkunapa contranpi qaqa hina sayananchikpaq (Efe. 6:10-13, 15). Diospa servicionpi afanakuymi yanapawanchik espiritual kaqkunallapi piensananchikpaq hinaspa Satanaspa munaychakusqa pachapi kaqkunawan mana urmananchikpaq (Col. 3:2). Jehová Diosmanta runamasinchikkunata yachachiymi yuyarichiwanchik allin kawsaypi kallpanchakunanchikpaq (1 Ped. 2:12).
5 Diospa atiyninmi kallpanchawanchik. Chaymanpatas predicayqa yachachiwanchik Jehová Diospi hapipakuyta (2 Cor. 4:1, 7). ¡Mayna allinmi! Diospi hapipakuspanchikmi paypaq allinta llamkanchik hinaspa kawsaypi imaña kaptinpas atipanchikmi (Fili. 4:11-13). Aguantananchikpaqqa Jehová Diospim tukuy sonqonchikwan hapipakunanchik (Sal. 55:22). Imaymanapipas predicacionmi yanapawanchik aguantananchikpaq.