Chunka hukniyoq kaq parte: Imaynatam Biblia estudiaqta yachachina revisitakunata rurananpaq
Diosta servinankupaq hina estudiota qosun
1 Biblia estudiaq predicayta qallariptinqa, tarinqapunim allin willakuykunata uyariy munaqkunata. ¿Imaynatam mosoq predicaqta yanapachwan revisitakunata allinta rurananpaq hinaspa uyariy munaqkunaman astawan yanapananpaq?
2 Revisitata ruranapaqqa predicachkaspam qallarina. Estudianteta kallpanchay rimasqanwan runakunapi sonqomanta interesakunanpaq (Fili. 2:4). Allillamanta yachachiy runakunapa rimasqanta mana harkananpaq, nisqankuta uyarinanpaq hinaspa musyananpaq imakunapi preocupakusqankuta. Pipas uyarikuptinqa, mosoq predicaqta qellqachiy runapa sutinta, maypi yachasqanta, imamanta rimasqankuta hinaspa chay hinapaq yanapay preparakunanpaq kutispa astawan runakunawan rimananpaq.
3 Revisitata rurananpaq yachachiy. Uyariy munaqmanta qellqasqanta qawaykuspa estudiaqta yachachiy runapaq hina Reinomanta huk yachachikuyta akllaykunanpaq (1 Cor. 9:19-23). Kuskayá preparakuychik imayna rimanaykichikta, huk textotawan leenapaq hinaspa estudio qallarinapaq qellqamanta huk parrafotawan leenanpaq. Rimayta tukuruspa tapunaykichikpaq huk tapuyta akllaykuychik yapapi kutispaykichik chaymanta rimanaykichikpaq. Mosoq predicaqta yachachiy imaynatam sapa kutisqanpi runata yanapanman Diospa Palabranmanta astawan yachananpaq.
4 Biblia estudiaqta yachachinallataqmi atikuqlla hina qallarinanpaq rimayta. Ejemplopaq, runata rimaykuspanña, niykunman: “Anchata kusikurqani qayna rimasqanchikwan, chaymi kutimuchkarqani Bibliamanta masta rimananchikpaq [willay ima rimanaykichikpaq akllasqaykita]”. Yachachiypas imatam ruranman wasipi mana parlasqanchikwan runa lloqsimuptin.
5 Allin llamkaq kayta yachachiy. Estudianteta kallpanchay lliw uyariy munaqkunaman chaypunilla kutinanpaq. Yaqapaschá kutipayaspa maskasunchik wasiyoqkunata tarinapaq. Yachachiy imaynatam uyarikuq runawan rimanakunman imay punchaw hinaspa imay hora watukunanpaq, hinaptinpas yachachiy ancha allin kasqanta rimanakusqanman hina kutinanpaq (Mat. 5:37). Mosoq predicaqta yachachiy kuyapayakuq, llampu sonqolla hinaspa respetakuq kananpaq ovejaman rikchakuq runakunata maskaspa astawan Biblia yachachiypi yanapananpaq (Tito 3:2).