Chunka kaq parte: Imaynatam preparachwan Biblia estudiaqta wasin-wasinta predicananpaq
Diosta servinankupaq hina estudiota qosun
1 Ancianokuna Biblia estudiaqta qawaspanku, sichus Diospa mañasqanta huntachkan manaraq bautizasqa predicaq kananpaq, hinaptinqa congregacionwan predicayta atinmanña (qaway Organizados para hacer la voluntad de Jehová, págs. 79-81). ¿Imaynatam yanapachwan wasin-wasinta rispa predicayta qallarinanpaq?
2 Kuskayá preparakuychik. Allinpunim preparakuyqa. Estudiaqta yachachiy maypim tarinman yanapaykunata predicayta qallarinanpaq Reinopaq Servicionchikpi hinaspa Razonamiento libropipas, chaymanta akllaysiy runakunapaq hina rimaykunata. Qallariymantapacha kallpanchay Bibliawan predicananpaq (2 Tim. 4:2).
3 Mosoq predicaqwan chaynata preparakuspaqa allintam rurasunchik. Estudiaq preparakusqanman hina, yachachiy runakunapa sasa tapukuyninkunata sumaqllata kutichinanpaq (Col. 4:6). Hawkayaykachiy Diosta serviqkuna manam lliw tapukuykunapaq kutichikuykunata yachankuchu nispa. Aswanqa tapuqnintam ninman, allinta yachamuspayña tapukuynikita kaqllamanta watukuspay kutichisqayki, nispa (Pro. 15:28).
4 Kuskayá predicaychik. Chayllaraq estudiaq predicacionman lloqsiptin, qam qallariy predicayta payñataq qawasunki imaynata predicasqaykita preparakusqaykichikman hina, chaymantañataq pay predicachun. Wakinkunapiqa allinchá kanman predicachkaptiki estudiaq Bibliamanta textota leespa chaymanta rimaptin. Chaynata ruraspaqa allinta tanteaychik estudiaqpa imayna kasqanta hinaspa atisqanta (Fili. 4:5) Predicananpaq yachachispaykiqa kallpanchallaypuni.
5 Mosoq predicaqta horariota rurakunanpaq yanapayqa ancha allinpunim, chaynapim atispaqa sapa semana predicacionman lloqsinqa (Fili. 3:16). Sumaq arreglota ruray paywan predicaq lloqsinaykichikpaq hinaspa kallpanchay tukuy sonqo predicaq wawqe-paninchikkunawan predicananpaq. Paykunawan predicaspanmi allillamanta paypas allinta predicayta atinqa hinaspa predicacionpi kusikuyta tarinqa.