Chunka iskayniyoq kaq parte: Diosta servinankupaq hina estudiota qosun
Biblia estudiaqkunata yanapasunchik Bibliamanta estudiokunata qallarinankupaq chaymanta qonankupaqpas
1 Estudiantekuna predicayta qallariptinkuqa, icharaqpaschá manchakunqaku Bibliamanta estudiokunata qallariyta hinaspa estudiota qoytapas. ¿Imaynatam estudiaqkunata yanapachwan mana manchakuspa servicionchikpi kay ancha allin ruraypi kallpanchakunankupaq? (Mat. 24:14; 28:19, 20.)
2 Biblia estudiaq manaraq bautizasqa predicaq kananpaq kamachikuykunata cumpliqqa, yaqapaschá Escuela del Ministerio Teocrático nisqapi discursotaña qochkan. Discursokunata qonanpaq yachachiykuna chaskisqanqa, yanapanqa ‘allin llamkaq hina mana imamantapas penqakuspa Diospa cheqap palabranta allinta yachachiq’ kananpaq (2 Tim. 2:15).
3 Rurasqaykikunawan yachachiy: Jesusqa qatiqninkunata prepararqa clarota yachachispa chaymanta kikin qatikunankupaq rurasqanta qawachispa. Payqa nirqa: “Pipas [...] astawan yachaspanqa yachachiqnin hinam kanqa” (Luc. 6:40). Ñoqanchikpaqqa Jesuspa rurasqanta qatikuyqa ancha allinmi chaymanta predicaypipas qatikunapaq hinam kananchik. Estudianteqa rurasqanchikta qawaspam musyanqa revisita rurayqa Bibliamanta estudiokunata qallarinapaq kasqanta.
4 Yachachiyyá, estudiota munachispanqa mana achkata willananchu imaynata estudio rurakusqanmanta. Aswan allinqa kanman estudianapaq libromanta huk otaq iskay parrafokunawan imayna estudio kasqanta rikuchiyqa. Allin yanapakuykunataqa tariwaqmi pusaq paginapi kay Reinopaq Servicionchikpi, chaymantapas 6 paginapi Nuestro Ministerio del Reino de enero de 2002, nisqapi.
5 Atikuptinqa kallpanchay estudiaqta qanwan otaq allinta yachachiq wawqewanpas huk estudioman rinanpaq hinaspa chay estudiopi yanapananpaq huk parrafomanta otaq huk akllasqa textomanta rimaspa. Qawawaspanchikmi estudiaqqa astawan yachanqa Diosta servinankupaq hina estudiota qoyta (Pro. 27:17; 2 Tim. 2:2). Kallpanchay hinaspa niykuy imaynatam aswan allin yachachiq kanman.
6 Mosoq predicaqkunata Diospa Palabranmanta allin yachachiq kanankupaq yachachiyqa, allinta yanapanqa ‘allinkunata ruranankupaq’ paykunallamanta Bibliamanta estudiokunata qallarinankupaqwan estudiota qonankupaqpas (2 Tim. 3:17). Anchatapunim kusichiwanchik paykunawan kuska kay minkakuypa nisqanta hukkunaman willayqa: “Pipas yakunayachikuqqa hamuspayá kawsachikuq yakuta tomachun mana imallapaq” (Rev. 22:17).