Huk parte: ¿Imam estudio qoy?
Diosta servinanpaq hina estudiota qosun
1 Diosta serviqkunaqa mundontinpim yaqa soqta millón runakunaman Bibliamanta estudiota qochkanku. Imayna estudiachinata allinta yachaspaqa, yanapanchikmanmi estudiantekunata Diosman dedicakuspa bautizakunankukama, “paykunapas hukkunaman yachachinankupaq” (2 Tim. 2:2). ¿Munawaqchu chaypi yanapayta? Reinomanta Servicionchikpim kunanmantapacha sapa killa explicanqa Jehovata servinankupaq hina estudiokuna qonanchikta.
2 Haykapim estudiota informanayki. Sichu pisillatapas sapa kutin Bibliamanta rimapayanki estudio qonapaq recomendasqa mayqen qellqanchikwanpas hinaspaqa, ñam estudiotaña qochkanki. Punkullapi otaq telefonopi rimanki chaypas estudioñam. Imayna estudiana yachachisqayki qepaman iskay kutita estudiachinki hinaspa musyanki masta yachay munasqanta hinaptinqa, informawaqmi estudiota.
3 Yaqa llapan estudiopim Bibliamantaqa yachachinku Imatan Dios munan ñoqanchismanta folletowan, Conocimiento libropiwan. Kay folletotapas, librotapas tukuspam Adoremos a Dios librowan estudiachichwan, sichus cuentata qokunchik yachasqanta kasukuspa Jehová serviy munasqanta hinaptinqa. Podemos ser amigos de Dios folletowanpas yachachichwanmi mana leey yachaqkunata otaq pisi educacionniyoqkunatapas.
4 Bibliamanta yachachiyqa allinmi, millonninpim runakunata yanapan Jesucristopa cheqap discipulon kanankupaq (Mat. 28:19, 20). Sichu kay qellqanchikpi hamuq tiempopi yachachisqanman hina estudiota qosun hinaspaqa atisunmi Jehová servinankupaq Bibliamanta yachachiyta.