Carta de la Sucursal

Kuyasqa Reinopaq llamkaqkuna:

Estados Unidos sucursalmi willamun, kay 16 de mayo 2005 watapim dedicarqaku Wallkill llaqtapi, qellqakuna rurakunanpaq fábrica hatunyachisqankumanta, kayta qawaq watukuqkunaqa achkam kanku suyasqaykumantaqa. Huk yuyaq paninchikmi nirqa: “¡Gustaruwanmi!, nispa. Wasiyman kutispayqa achkam kachkan willanaypaq ñañay-turiykunaman. Kayqa punta watukusqaymi, sichum Jehová Dios munanqa, sapa watam kutimuytam piensachkani”.

Chaymantapas Ecuador, Perú, Venezuela hinaspa Colombia sucursalkunapa territorionpim, rurarunku kimsa mosoq circuitokunata kay Reinomanta llamkanapaq mosoq wata qallariyninpi. Chaymi kay tawa sucursalkunapa territorionpim kunanpuni kachkan llapanpi 23 distritokuna chaymanta 261 circuitokuna.

Diospa allin noticiantam ancha allinta willachkanku 2.572 Reinopa llamkaqkuna, aymará, sapa nacionpi señas rimaypi, quechua ancashino, quechua ayacuchano, quechua cusqueño, quichua chaymanta wayuunaiki rimaykunapi. Kay rimaykunapitaqmi Jesuspa wañukusqan punchawta yuyarirqaku 7.063 runamasinchikkuna, nichwanmi, kay wawqe-paninchikkunamantaqa yaqa kimsa kuti masraqmi.

Chaymantapas, 2005 Reinomanta llamkanapaq watapim, 110 Salonkunata rurarqaku hinaspa mosoqmantam allicharqaku kay sucursalkunapa territorionpi wakin Salonkunatapas. Gracias kachun 389 wawqe-paninchikkunata, chaymanta construcción de Salones del Reino nisqanpi llamkaq wawqe-paninchikkunatapas llamkasqankumanta. Tukuy sonqonwan kallpanchakusqankumantam kuyaniku kay wawqe-paninchikkunata.

Chaymantapas Colombiapi allintam llamkachkanku, sucursal aswan hatun kananpaq. Qellqakuna rurakunanpaq fábrica yapasqankum ñam tukurunña, chaymantapas achka mosoq oficinakunam rurakuchkan, rurakuchkantaqmi mosoq hatun edificio yachanankupaq (tiyanankupaq) chaymanta visitakuna chaskinapaqpas. Suyakuchkanmi kay llamkaykuna tukunanta kay 2006 watapa punta killankunapi.

Diospa Reinonpaq kallpanchakuspa llamkasqaykichikqa ancha allinmi. Chaymantapas anchatam agradecekuniku qollqeykichikwan kay llamkaykuna rurakunanpaq yanapasqaykichikmanta (Pro. 3:9, 10). Llapanchikmi suyachkanchik Jehová Dios bendecinanpaq “ñoqanchikrayku suma-sumaq atiyniyoq kasqanmanta Dios yupaychasqa kananpaq” (Efe. 1:12).

Wawqekichikkuna,

Sucursal oficina