Carta de la Sucursal

Diospa Munaychakusqanmanta willakuq kuyasqa wawqe-panikuna:

Kusikunikum 2007 kaq watapi tawa sucursal wasikunapa predicanan llaqtankunapi Diospaq llamkayninchik masyarisqanmanta. Ecuador nacionpim 2006 qayna wata abril killamanta kunan pasaq abril killakama predicaqmasinchikkunaqa masyarirqaku, chaymi abril killapi 58.421 chayarurqaku, hinaspataqmi 98.302 runakunaman Bibliamanta estudiota qorqaku. Perú nacionpim octubre killapi 152.073 runakunaman Bibliamanta estudiokunata qokurqa, marzo killapiñataq 20.091 wawqe-paninchikkuna precursor regular hina servirqaku. Venezuela nacionpim enero killapi predicaqmasinchikkunaqa 100.000 masninña karqaku, abril killapiñataq 104.014 chayarurqaku. Colombia nacionpim abril killapi predicaqmasinchikkunaqa 130.846 masninña karqaku, chay killallapim 179.775 runakunaman Bibliamanta estudiota qorqaku. Kay willakuykunam qawachin kay tukupay tiempokunapi Jesuspa qatiqninkuna huñuypi llapallaykichik ancha llamkasqaykichikmanta Jehová Dios bendecisusqaykichikta.

Tawan nacionkunapim Noticias del Reino núm. 37, “¡Se acerca el fin de la religión falsa!” sutichasqa tratadota aypukurqa chunka pichqayoq wara-waranqamanta masnintaraq. Iñiyninpi chiriyaruq paninchikmi huk tratadota chaskirqa, leeruspanñataqmi mana puñuytapas atirqachu. Hawan domingotam huñunakuyman rirqa hinaspam Bibliamanta estudiota mañakurqa.

Kay arreglokunataqa rurakun allin runa kaqkunata imatapuni Biblia yachachisqanmanta yachachiypi yanapanapaqmi (Mat. 28:19, 20). Chaypaqqa predicaypi chikallan yachay munasqankupipas reparaychik hinaspa kallpanchakuychik Bibliamanta estudio qallariypi. Kusikunikum qamkunawan huñulla kay allinpuni llamkaypi llamkasqaykumanta. Kuyakuyniykutayá chaskiychik.

Wawqekichikkuna,

Oficina Sucursal