Utqaylla yanapakuytam tarichwan
1. ¿Imaynatam espiritual kayninchikpi chiriyaruchwan?
1 Mana iñiq qosayoq hinaspa llumpay llamkayniyoq Anna paninchikpaqmi, sasallaña karqa huñunakuykunaman hinalla rinanpaq, predicananpaq hinaspa Bibliata estudiananpaqpas. Jehová Diosta kuyaspanpas, espiritualninpim chiriyarurqa. Ancianokunamanta yanapakuytam ichaqa chaskirqa chay chiriyasqanmanta allinyananpaq.
2. ¿Imaynatam lliw cristianokuna chaylla yanapakuy hina kanmanku?
2 Congregacionpa yanapakuyninta pipas chaskiqqa, kikin Jehová Diospi confiakusqantam qawachichkan. Congregacionpi ancianokuna Jesucristopa sumaq kuyakuyninta qatipakuspankum espiritualpi sasachakuqkunata hinalla kallpanchachkanku allin yanapakuyta qospanku (1 Tes. 5:14). Sapakutim, iskay kimsa kallpanchakuq rimaykunallata necesitakun Bibliamantaqa. Espiritualpi mana allin kaqkunata yanapayqa, lliw cristianokunapa rurayninmi manam ancianokunallapachu. Segurochá llapallanchik musyakurqanchik ‘terminonpi rimarisqa palabra sumaqllaña’ kasqanta (Pro. 25:11; Isa. 35:3, 4).
3, 4. ¿Ima ninanmi hukkunata yanapay, hinaspa imaynatam yanapachwan?
3 Kikillaykimanta qallariy: Yanapana necesitaqkunata kuyapayasqanchikta qawachiyqa kikinchikmanta yanapananchik qallariymi, sientesqankuta sientespanchik hinaspa valorwan imapas ruraymi. Jonatanmi hatun llakipi amigon tarikusqanta yacharuspan, “pasarqa Hores sutiyoq sitioman, chaypim Davidta Jonatan kallpancharqa Diosman hapipakunanpaq” (1 Sam. 23:15, 16). Wakinkunata yanapayta munaptikiqa, kallpanchakuq rimaynikikunam qawachinan sonqomanta paykunata kuyasqaykita, hinaptinmi ancha allin kanqa rurasqayki. Kikin Jesusmi huk rikchanachiywan allinta yachachiwarqanchik espiritualpi chiriyasqa wawqe-paninchikkunata valorwan congregacionman utqaylla kutichimunapaq (Luc. 15:4). Wakinkunata sonqomanta yanapayta munasqanchikmi tanqawasun hinalla yanapanapaq mana chaylla kasukuptinkupas.
4 ¡Ima allinmi kikinchikmanta estudio de libro nisqanpi huñunakuq wawqe-paninckikkunata predicanapaq invitaynichikqa! Wawqe-paninchikta predicayman lloqsinanpaq yanapaspam, kallpanchanapaq valekuchwan. Espiritualninkupi allinyaqkunam ancha kusisqa tarikunku Jehová Diosta yapamanta servispanku.
5. Mana predicaqtawan mana huñunakuqta yanapanapaqqa, ¿ima arreglotam ancianokuna ruranmanku?
5 Kuyakuywan rurasqa arreglo: Pipas manaña predicaq otaq congregacionpi manaña huñunakuqpas, ichapas yanapanata necesitachkan iñiyninta kallpanchananpaq. Ichapas necesitachkanku yapamanta Biblia estudiayta Adoremos al único Dios verdadero, Acerquémonos a Jehová otaq ¿Qué enseña realmente la Biblia? nisqan librokunawan. Bautizasqa kaspanmi, mana unay tiempoñachu estudiananqa. Congregacionpi Comité de Servicio, nisqan ancianokunam yachananku pikunatam kay arreglowan kallpanchanmanku (qawariy “Sección de preguntas” noviembre 1998 hinaspa noviembre 2000 Nuestro Ministerio del Reino nisqanta).
6. ¿Imaynatam allinyarqa espiritualpi chiriyasqanmanta paninchik?
6 Qallariypi rimasqanchik Annam, kusisqa chaskirqa ancianokunapa arreglo rurasqankuta espiritualpi allin paninchikwan Bibliata estudianankupaq. Tawa kutillatam estudiarqaku Jehová Diosman mosoqmanta asuykachinanpaq. Congregacionpi huñunakuymanmi kaqllamanta rirqa hinaspam Jehová Diosmanta yapamanta willakuyta munarqa runakunapa qayllanpi. Chaymantapas espiritualpi allin kaq paninchikmi yanaparqa Biblia estudiachiqninkunaman pusaspan allin kallpanchasqa kanankama wasin wasin predicananpaq. Espiritual chiriyayninmanta Anna allinyananpaqqa yanapaykunallatam necesitarqa.
7. ¿Imaynatam sientekusun hukkunata espiritualpi kallpanchaptinchik?
7 Necesitaqkunata kallpanchaykuyqa allinninchikpaqmi. Yanapayta chaskiqmi anchata kusikun Jehová Diosman asuykusqanmanta hinaspa Diospa llaqtanpi ima rurasqanwanpas. Ancianokunam kusikunku espiritualpi wiñasqankuta qawaspanku (Luc. 15:5, 6). Hinaspapas congregacionmi aswan huñulla kanqa kuyanakusqankurayku (Col. 3:12-14). Cheqaptapunim allin razonkuna kan Jehová Diosta qatipakunapaq, utqaylla yanapakuyninchik kasqanrayku (Efe. 5:1).