Congregacionpa videonkunawan yachachisun
1. ¿Imaynatam Jehová Dios imaymana rikuykunawan ñawpa siervonkunata yachachirqa, hinaspa imaynatam chaykunawan yanapaykurqa?
1 Mayninpiqa revelacionkunata hinaspa mosqoykunatam Jehová Diosqa valekurqa ñawpa siervonkunaman sumaq yachachikuykunata willananpaq. Ejemplopaq yuyariy, Jehová Diospa hatu-hatun llipipipichkaq carro hina revelacionninpi Ezequiel profetapa rikusqanta (Eze. 1:1-28). Yuyaymanawaqpas Daniel imayna sientekusqanpi qatinaslla atiysapa nacionkunata mosqoyninpi rikusqanwan (Dan. 7:1-15, 28). ¿Imanichwantaq suma-sumaq ‘revelacionkuna’ apostol Juan chaskisqanta ‘Señorpa punchawninpiña’ cumplikunanmanta? (Rev. 1:1, 10.) Jehová Diosqa imaymana rikuykunawanmi siervonkunata yachachirqa, chaymi yuyayninkupi allinta takyarqa.
2. ¿Ima qawakunapaq hinam congregacionpi kapuwanchik Bibliamanta yachachinapaq?
2 Hukkunaman Bibliapa cheqap yachachikuykunata mana qonqanankupaq hina yachachiyta munaspaqa, ñoqanchikpas valekuchwanmi tukuy qawakunapaq kaqta, ejemplopaq, congregacionpi videokunata. Chaykunam qawachiwanchik achka yachaykunamanta hinaspa kallpanchawanchik Bibliapi confiananchikpaq, Jehová Diospa llaqtanpipas hinaspa cristiano kawsayninchikpi yachachikuyninkuna yanapawasqanchikpipas. Qawasunchik imaynatam yachachichwan videokunawan servichikuspa.
3. ¿Imatataq servichikuchwan Jehová Diospa llaqtanman Biblia estudiaqkunata pusamunapaq?
3 Jehová Diosmanta yachachispa: ¿Rimarqankichu Biblia estudiachisqaykiman entero pachapi wawqe-paninchikkunamanta? Qawachiwaqmi Toda nuestra asociación de hermanos, nisqan videota. Prestaykuwaqmi qawananpaq manaraq yapamanta estudiachkaspa otaq kuskaykichikpas qawawaqchikmi. Chaymantañataq estudiaychik junio 2002 Nuestro Ministerio del Reino nisqanpi tapuykuna lloqsimusqanmanta.
4. ¿Ima yachachinapaq yanapakuykunatam escuelapi mozo-sipas Testigokuna servichikunmanku?
4 Qamkunapas, warmachakunawan jovenkuna, qawanaykichikpaqmi niwaqchik estudiasqaykichik lawpi profesorniykichikta Los testigos de Jehová se mantienen firmes ante el ataque nazi otaq Fieles ante las pruebas. Los testigos de Jehová de la Unión Soviética, nisqan videokunata. Kikillaykichikmantam tapuykunata rurawaqchik junio 2001 hinaspa febrero 2003 Nuestro Ministerio del Reino nisqanpi tapuyninkunaman rikchakuqta.
5. ¿Imatam tayta-mamakuna servichikunmanku ayllunkuwan estudiaspanku?
5 Aylluwan hinaspa amigokunawan: Tayta-mamakuna yuyarichkankichu haykapim churi-wawaykichikwan qawarqankichik Los jóvenes preguntan... ¿Cómo conseguir amigos verdaderos?, nisqan videota. ¿Imanasqataq mana yapamantachu qawankichik aylluykichikwan estudiaspaykichik? Abril 2002 Nuestro Ministerio del Reino nisqanpi tapuykunam yanapasunkichik kusikuywan mana recelaspa rimanaykichikpaq.
6. ¿Imaynatam kallpanchakuq huñunakuyta rurachwan amigokunawan?
6 ¿Ñawpaqmantaraqchu wasikiman invitayta munachkanki congregacionpi wakin amigoykikunata? Huk tarden wasipi huñunakuspa Respetemos la autoridad de Jehová, nisqan videota qawaymi yanapawasun espiritualpi wiñanapaq, aswanraqchá qawaruspaña sumaq yachachikuyninmanta septiembre 2004 Reinopaq Servicionchikpi tapuyninkunawan servichikuspa estudiayqa.
7. ¿Imaynatawanmi videonchikkunata servichikuchwan?
7 Hukkunata watukuspanchik: ¿Imakunatawan ruraspam iskay chunkan videokunata servichikuchwan? ¿Videokuna qawayninku yanapanmanchu watukusqanchik yachay munaqkunata espiritualpi wiñanankupaq? ¿Qawachichwanchu asilo nisqan kaqpi runamasinchikkunata? ¿Kay videokuna yanapawanchikmanchu mana iñiq ayllunchikkuna, vecinonchikkuna otaq llamkaqmasinchikkunapas allinta qawawananchikpaq? Videonchikkunaqa sumaq qawanapaq yanapakuymi admirakunapaq hina yachachiyniyoq. Yachachinaykipaqyá servichikuy.