Videokunata qawachispayá bibliamanta yachachisqanchik runakunata yachachisun

Qawasqanchikkunam yanapawanchik tukuy imata Jehova Diosmanta yachanapaq hinaspa yachachikuyninkunata yuyanapaq. Ñawpaq tiempopim Jehova Diosqa tukuy imakunata qawachispan serviqninkunata yachachirqa (Ge 15:5; Jer 18:1-6). Jesuspas chaynatam yachachirqa (Mt 18:2-6; 22:19-21). Qayna watakunallamantam Diospa llaqtanqa achka videokunata ruwachkanku Diosmanta yachananchikpaq. Ichaqa ¿yaqachu chay videokunata qawachichkanchik bibliamanta yachachisqanchik runakunaman?

Diosmanta allin noticiakuna niq qillqawan yachachinapaqmi 10 videokuna kapuwachkanchik. Chay videokunaqa chay qillqapa huk kaqnin tapukuywanmi tupan. Internetpipas kachkantaqmi Diosmanta allin noticiakuna niq qillqanchik, chaypa waqtachanpim kachkan sapa yachachikuywan tupaq videokuna. Ichaqa manam chay chunka videokunallawanchu Diosmantaqa yachachichwan, jw.org nisqapim kachkan huk videokunapas.

Sichu yachachisqanchik runa sasachakuchkan yachachisqanchikkunata entiendenanpaq utaq ima sasachakuypipas tarikuchkan hinaptinqa, videokunatam jw.org® utaq JW Broadcasting® nisqanpi maskachwan. Atispaqa chay videokunatam kuska qawachwan hinaspa tapuchwan.

Sapa killam musuq videokuna lluqsimun. Chay videokunata qawaspanchikmi yuyaymanachwan imaynata chaywan runakunata yachachinanchikpaq.