Allin Yachachiqpa yachachisqanta qatipakusun Enseña nisqan libromanta yachachispa
1. ¿Imaynatam Jesusqa yachachirqa?
1 Allin Yachachiq Jesucristoqa manam sasa rimaykunawanqa yachachirqachu aswanqa entiendenankupaq hinam. Uyariqninkunata piensarichinanpaqmi wakinpiqa paykunapa piensasqankumanta tapurirqa (Mat. 17:24-27). Bibliapa nisqanman hinam yachachirqa (Mat. 26:31; Mar. 7:6). Pisi-pisillamantam qatiqninkunata yachachirqa entiendeypi mana sasachakunankupaq (Juan 16:12). Chaymantapas segurakuytam munarqa yachachisqanmanta entiendesqankuta chaynataq iñisqankumantapas (Mat. 13:51). Enseña nisqan libropas Jesuspa yachachisqanman hina yachachinapaqmi rurasqa kachkan.
2. ¿Imaynatam servichikuchwan sapa capitulopa uranpi qallariq tapuyninkunata?
2 Qallariqnin tapuyninkunamanta: Libropa sapa yachachikuyninmanta estudiayta qallarispaykiqa, allinmi kanman capitulonpa uranpi qallariq tapuyninkunata qawachiyniki. Biblia estudiaq yachayta munarinanpaqqa chay tapukuykunata leey otaq niwaqmi pisi rimayllapi chay tapukuykunata kutichinanpaq. Chay kutichisqanmantaqa manam llumpaytaqa rimanachu nitaq sapa kutichu correginanchik. Rimasqanmanta agradecekuspayki estudiayta qallariy. Chay tapukuykunamanta imayna kutichisqanmi yanapasunki musyarinaykipaq mayqan parrafopim astawan yachachinayki.
3. ¿Imaynatam estudiota facilllata rurachwan?
3 Bibliapa textonkunamanta: Estudiota qospanchikqa Bibliapipunim takyanan lliw yachachisqanchikqa (Heb. 4:12). Ichaqa manam Bibliapa lliw rikurimuq textonkunatachu leenanchik. Yachachiyninchikta yanapaq textokunatam qawachinanchik otaq leenanchikpas. Yachachiyninchikta mana ancha yanapaq textokunataqa ichapas manaña leenanchikñachu. Enseña nisqan libroqa manam sasa yachaykunawanchu cheqap yachaymantaqa yachachiwanchik, chayraykum yachachispanchikqa ama sasataqa yachachisunchikchu. Yachanapaq kaq yachaykunamanta aswanqa yachachiy hinaspa ama llumpaytaqa rimaychu yachachisqaykiwan mana tupaq yachaykunamantaqa.
4. ¿Imaynatam yachachwan sichu Biblia estudiaqwan estudianachu icha manachu libropa sapaq yachachikuyninkunamanta?
4 Apéndice nisqanmanta (libropa sapaq yachachikuyninkuna): Chunka tawayoq yachachiyninkunam yanapan libropa yachanapaq kaq yachachikuyninkunata. Munaspaqa estudiakunmanmi kay yachaykunamantapas Bibliamanta estudiota qospaqa. Wakin yachachikuykunapaqqa ichapas estudiaqta kallpanchawaq kikinmanta leenanpaq libropa sapaq yachachikuyninkunamanta, aswanraqchá yachayta munaptinqa. Ejemplopaq, libropa 4 kaq yachachikuyninpi “¿Quién es Jesucristo?” nisqan yachaymanta Biblia estudiaq allintaña entienderuptinqa ichapas manaña estudianachu libropa sapaq yachachikuyninkunapi “Jesucristo, el Mesías prometido” nisqan yachaymantaqa. Huk kutikunapiqa ichapas allin kanman tiempochakuyninchik estudiachisqanchik horapi Biblia estudiaqta yachachinapaq libropa sapaq yachachikuyninkunamanta otaq partellanmantapas.
5. Libropa sapaq yachachikuyninkunamanta yachachinaykipaq tantearuspaykiqa, ¿imaynatam rurawaq?
5 Libropa sapaq yachachikuyninkunamanta yachachinaykita tantearuspaykiqa, ñawpaqmantaraqmi huk tapukuykunata rurawaq hinaspam Biblia estudiaqwan parrafokunapa nisqanta estudiawaq sapa capitulonpa yachachikuyninmanta estudiaq hina. Otaq estudiasqayki horapi Biblia estudiaqpaq allin kaptinqa ichapas pisi minutokunallapi chay yachaykunamantawan yachachiwaq. Chaynapim yachanki sichu entiendechkanchu icha manachu leesqanta.
6. ¿Imaynatam servichikuchwan sapa capitulopa tukuyninpi recuadropa nisqanta?
6 Recuadro nisqanmanta: Sapa capitulopa tukuyninpi recuadrom sapa capitulopa uranpi tapukuyninkunata kutichichkan. Recuadropa nisqantam servichikuwaq yachanapaq kaq yachaykunata yuyarinapaq. Wakin wawqe-paninchikkunam Biblia estudiaqwan leenku recuadropa nisqanta hinaspa Bibliapa textontapas. Chaymantañataqmi tapunku imaynatam chay Bibliapa texton yanapan recuadropa nisqanta. Chaynapim Bibliamanta yachachiq musyanqa sichu Biblia estudiaq allintachu entienden yachanapaq kaq yachaykunata, Bibliapa textonkunata chaynataq kay yachachikuykuna chaskikusqantapas. Chaynallataqmi Biblia estudiaqpas yachanqa Biblia servichikuyta hukkunaman cheqap yachachikuymanta yachachinanpaq.
7. ¿Imaynatam Enseña nisqan librota servichikuchwan Diosmanta yachachinapaq?
7 Runamasinchikman Bibliamanta allintapuni yachachinapaqqa hinaspa Jesuspa qatiqninkuna kanankupaqpas Jesuspa imayna yachachisqantam qatipakunanchik (Mat. 28:19, 20). Chaypaqmi Enseña nisqan libro allintapuni yanapawachwan. Chaynaqa kay librotayá servichikuy runamasinchikman cheqap yachachikuykunata yachachinapaq, mana sasa rimaykunawan aswanqa entiendenankupaq hinaspa munarinankupaq hina.