Allintayá yanapachikusun Yachachiq librowan

Diosmanta yachachisqanchik runakunaqa bibliapa ima nisqanta entienderuspankum Diospa nisqanman hinaña kawsakunankupaq kallpanchakunku (Sal. 1:1-3). Yachachiq qillqa imayna kasqanmanta yachaspanchikqa aswan allintam yanapachwan.

Qallariyninpi kaq tapukuykuna. Sapa yachachikuypa qallariyninpim kachkan tapukuykuna. Chaykunawan yanapachikuspam yachachisqanchik runata piensarichichwan astawanraq yachayta munananpaq. Nichwantaqmi chay tapukuykunamanta pisi rimayllapi rimarinanpaqpas. Pantaruptinqa ama chayllachu niy pantarusqanmanta, rimasqanqa yanapasunkim yachachispayki imakunamanta allinta entiendechinaykipaq (Prov. 16:23; 18:13).

Sapaq yachachikuyninkuna. Yachachisqanchikta entienderuptinpas kallpanchachwanmi sapaq yachachikuykuna niqpi imamanta yachachisqanchikwan tupaq yachachikuyta leenanpaq. Kutispañataqmi tapuchwan mana entiendey atisqanmanta willawananchikpaq. Yachachisqanchikmanta hinalla iskayrayaptinqa, allinmi kanman sapaq yachachikuyninkuna niqpi yachachikuyta estudiachisqanchik horapi llapanta utaq wakillantapas qawachiyninchikqa. Chay yachachikuypa parrafonkunata leeruspam tapuchwan preparakusqanchikman hina allinta tanteaspa.

Yuyarinapaq yachachikuykuna. Sapa yachachikuypa tukupayninpim kachkan yachachikuypa qallariyninpi kaq tapukuykunapa kutichiynin. Chayta hinaspa chaywan tupaq textokunata leeruspa yachachisqayki runata tapuy chay textokunawan yanapachikuspa hukkunaman imaynata yachachinanmanta. Chaywanmi cuentata qukunki estudiachisqayki runa yachachisqaykita entiendesqanmanta utaq mana entiendesqanmantapas (Hech. 17:2, 3).