Iñiyninkupi chiriyaruqkunata ama qonqasunchu
1. ¿Imaynatam yanapachwan iñiyninkupi chiriyaruqkunata?
1 ¿Reqsinkichu pitapas iñiyninpi chiriyaruqta? Ichapas wasin-wasin predicaspa tarirqanchik manaña congregacionwan huñunakuspan iñiyninpi chiriyaruqta. Yuyarinanchikmi paykuna hinalla wawqe-paninchikkuna kasqanta. Kuyasqanchiktam qawachiyta munanchik hinaspa yanapaytapas munanchikmi congregacionman kutimunankupaq chaynataq ‘allin michiwaqninchikmanpas’ (1 Ped. 2:25).
2. ¿Imakunatam rurachwan iñiyninpi chiriyaruqta kallpanchanapaq?
2 Kuyapayasqanchikta qawachisun: Iñiyninpi chiriyaruq wawqe-paninchikmi mana qonqarusqanchikta yachanqa watukusqanchikwan otaq telefonowan qayasqanchikwanpas. ¿Imatam nichwan? Nichwanmi paypi piensasqanchikta, chaymi kallpanchanman. Chaymantapas allin kaqkunamantawan iñiyninpi kallpanchaq rimaykunamantam rimarichwan (Fili. 4:8). Ejemplopaq, willarichwanmi huñunakuypi ima yachachikuymi gustaruwasqanchikmanta. Chaymantapas invitachwanmi huñunakuyman otaq asambleaman hamunanpaq hinaspapas nichwanmi maypi tiyananpaq rakipunanchikta otaq asambleaman pusananchikpaqpas.
3. ¿Imataq yanaparqa iñiyninpi chiriyaruq paninchikta Diospa munayninta kaqllamanta rurananpaq?
3 Iskay chunka wataña iñiyninpi chiriyaruq paninchiktam predicaspanku tarirurqaku. Huk paninchikmi Biblia estudiayta munachirqa, iñiyninpi chiriyaruq paninchik mana estudiayta munachkaptinpas hinallam payqa aparqa chayllaraq lloqsimuq revistakunata. Distrito asamblea pasaytam iñiyninpi chiriyaruq paninchikta watukuspan asambleapi sumaq yachachikuykunamanta willarqa. Chay rurasqanmi iñiyninpi chiriyaruq paninchikta yanaparqa Diospa munayninta kaqllamanta rurananpaq.
4. ¿Imaynatam chaskinanchik iñiyninpi chiriyaruq wawqe-paninchikta huñunakuyman mosoqmanta hamuptin?
4 Iñiyninpi chiriyaruq kutimuptin: ¿Imaynatam chaskinanchik iñiyninpi chiriyaruq wawqe-paninchikta huñunakuyman mosoqmanta hamuptin? ¿Imaynatam Señorninchik Jesucristo chaskirqa saqeruqnin qatiqninkunata? Kuyakuywanmi nirqa ‘wawqellaykuna’ nispa hinaspapas paykunapi confiakusqantam qawachirqa hatun kamachikuyta qospan (Mat. 28:10, 18, 19). Chaymantañataq ‘mana samaykuspanku’ paykunaqa Diospa sumaq noticianmanta willakurqaku (Hech. 5:42).
5. ¿Haykapim ancianokunawan rimarichwan iñiyninkupi chiriyaruq wawqe-paninchikkunamanta?
5 Iñiyninpi unayña chiriyaruq wawqe-paninchikman manaraq Biblia estudiayta munachichkaptinchikmi otaq predicacionman manaraq invitachkaptinchikmi, ancianokunawan chaymanta rimananchik. Predicananchik lawpi iñiyninpi chiriyaruq wawqe-paninchikta tariruptinchikqa ancianokunamanmi willakunanchik yanapanankupaq.
6. ¿Imaynatam sientekuchwan iñiyninkupi chiriyaruq wawqe-paninchikkunata yanapaspanchik?
6 Bibliam sutillata qawachiwanchik, iñiyninkupi takyaqkunallam salvasqa kanqaku (Mat. 24:13). Chayraykum iñiyninkupi chiriyaruqkunata allinta yanapananchik. Pacienciawan Jehová Dios hina sonqomanta kuyakuyninchikta iñiyninkupi chiriyaruq wawqe-paninchikkunaman qawachiptinchikqa, kusikuchwanmi mosoqmanta ñoqanchikwan Jehová Diosta serviptinkuqa (Luc. 15:4-10).