Chiriyasqa iñiqmasinchikkunata kallpanchasunchik kutimunankupaq

Sapa watam achka chiriyasqa iñiqmasinchikkuna Jesuspa wañukusqan punchawta yuyarinapaq huñunakuyman rinku. Ichaqa, Kutimunaykitam Jehova Diosqa munan niq qillqapa nisqanman hinam tukuywan sasachakusqankurayku alli-allimanta Dios serviyninkuta saqirurqaku (Heb 12:1). Chiriyasqaña tarikuptinkupas, Jehova Diosqa hinallam paykunataqa kuyan churinpa yawarninwan rantisqanrayku (Hch 20:28; 1Pe 1:18, 19). ¿Imaynatam yanapachwan kaqmanta kutimunankupaq?

Anciano kaq iñiqmasinchikkunam kallpanchakunku chiriyasqa iñiqmasinchikkunata yanapanankupaq, imaynam huk michiq chinkaruq ovejanta maskachkanmanpas hina (Lc 15:4-7). Chayna ruwasqankum qawachin chiriyasqa iñiqmasinchikkunata Jehova Dios hinalla kuyasqanta (Jer 23:3, 4). Ichaqa manam anciano kaq iñiqmasinchikkunallachu yanapanmankuqa, aswanqa llapanchikmi. Kaqmanta kutimunankupaq tukuyta ruwaptinchikqa Jehova Diosqa anchatam chaninchanqa, chaymantapas chay ruwasqanchikqa allinmi kanqa (Pr 19:17; Hch 20:35). Chaynaqa, yuyaymanay pi chiriyasqa iñiqmasinchikta kallpanchanaykipaq hinaspa chaylla ruway.

CHIRIYASQA IÑIQMASINCHIKKUNATA KALLPANCHASUNCHIK NIQ VIDEOTA QAWARUSPAYKI QATIQNINPI TAPUKUYKUNATA KUTICHIY:

• ¿Imatam Abigail iñiqmasinchikqa chiriyasqa iñiqmasinchikta riqsiruspan ruwarqa?

• ¿Imanasqataq ancianokunawan rimananchik chiriyasqa iñiqmasinchikkunata yanapanapaqqa?

• ¿Imatam Abigail iñiqmasinchikqa ruwarqa manaraq kaqmanta Laura iñiqmasinchikman watukuchkaspan?

• ¿Imakunata ruwaspantaq Abigailqa pacienciakuq hinaspa Laura kuyasqanta qawachirqa?

• ¿Imatam yachachiwanchik Lucas 15:8-10 nisqanpi Jesuspa rikchanachisqan?

• ¿Imapim tukurqa Laurata lliw yanapasqankuqa?