¿Imatam niwaq?
1. ¿Imataq sasa hina kanman yaqa llapallanchikpaq Bibliata estudiaptinchik?
1 Diospa Palabranta kuyaptinchikpas, ¿sasachakunchikchu yachachikuyninkunata yuyariyta otaq Bibliapi maypim chay yachachikuyninkuna tarikusqanta yuyariytapas? ¿Munawaqchu churi-wawaykikuna Bibliapi yachanapaq kaq yachaykunamanta hinaspa huk rikchaq yachachiyninkunamantapas allin yachayniyoq kanankuta? ¡Despertad! revistapa 31 paginanpi rikurimuq “¿Qué respondería usted?” (¿Imatam niwaq?) nisqanpi yachachikuykunam yanapanman mozo-sipaskunatawan yuyayniyoqkunatapas Jehová Diospa Palabranta allinta reqsinankupaq (Hech. 17:11).
2. Rimariy imaynatam allintapuni servichikuchwan ¿Imatam niwaq? nisqanpi yachachikuykunata.
2 ¿Imaynatam allintapuni servichikuwaq ¿Imatam niwaq? nisqanpi yachachikuykunata? Enero 2006 ¡Despertad! revistapim niwarqanchik: “¿Imanasqataq mana tiempochakunchikchu 31 paginanpi rikurimusqanta qawarinanchikpaq? Chay paginapi kaq wakin yachachikuykunam mozo-sipaskunata leenankupaq kallpanchanqa, wakin yachachikuyninñataqmi Biblia estudiaqkunapa hayka yachasqankumanta qawachinqa. ‘¿Cuándo sucedió?’ (¿Haykapim pasakurqa?) nisqanñataqmi yanapawasun huk rayachawan tupachispa ima watapim pikuna kawsasqankumanta chaynataq imapas pasakusqanmanta yachanapaq. ‘En este número’ (Kay revistapi) nisqan yachaypiñataqmi tarinki llapallan tapuykunapa kutichiyninkunata enteron revistapi, wakin tapukuykunapa kutichiynintañataqmi huk kaqnin paginanpi uray senqanpata tarinki. Lliw leeqkunatam kallpanchamuniku tiempochakuspanku kikillankumanta tapukuykunapa kutichiyninkunata maskanankupaq hinaspa pisillatapas estudianankupaq manaraq kutichikuykunata revistapi leechkaspanku, hinaspapas yacharusqankumanta hukkunawan rimarinankupaq. Chaymantapas ¿Imatam niwaq? nisqanpi yachachikuykunatam servichikuchwan ayllunchikwan otaq hukkunawanpas parlarinanchikpaq”.
3. ¿Ima allinkunatam wakin ayllukuna chaskirqaku ¿Imatam niwaq? nisqan yachachikuywan yanapachikusqankumanta, hinaspa mayqan kaq yachaykunam qamta gustasunki?
3 Achka wawqe-paninchikkunam kay yachachikuykunata servichikunku ayllunkuwan estudiaspanku. Huk mamam nin: “Qosaypaqwan ñoqapaqmi allin ‘Para los niños’ (Warmachakunapaq) nisqan yachayta servichikuyniyku aylluykuwan estudianaykupaq chaynapi kimsa watachayoq warmi wawayku kusirikunanpaq hinaspa yachayta munarinanpaqpas. Kusikunikum kikinpa revistanta kusikuyllawanña hapiptin hinaspa ima munasqanta tarirunankama maskaptin”. Brasil nacionmanta huk taytam nin: “Qanchis watachayoq churiywanmi kusikuniku ¡Despertad! revistapa warmachakunapaq kaq yachachikuyninta qawaspayku. Moises churiytam yanaparqa atencionwan uyarinanpaq, Bibliapa textonkunata maskananpaq, rikchanachiykunapa yachachiyninkunata chaynataq ima watapi imapas pasakusqanmanta entiendenanpaqpas”. Pusaq watachayoq Ashley sutiyoq warmacham nin: “Agradecekunim ¡Despertad! revistapa ¿Imatam niwaq? nisqanpi yachachikuyninkunamanta, anchatam Bibliamanta yachachkani”, nispa.
4. ¿Imaynatam servichikuchwan ¿Imatam niwaq? nisqanpi yachachikuykunata ayllunchikwan estudiaspa?
4 ¿Servichikuwaqchu aylluykiwan estudiaspayki ¿Imatam niwaq? nisqanpi yachachikuykunata? Índice nisqan librotam otaq Watchtower Library CD-ROM nisqantam servichikuwaq sasa tapukuykunapa kutichiyninkunata tarinaykipaq. Chaynata ruraspaykim churi-wawaykikunata yachachichkanki allin estudiaq kanankupaq. Yuyayniyoq churi-wawaykikuna kaptinqa “¿Quién soy?” (¿Pitaq kani?) otaq “¿Cuándo sucedió?” (¿Haykapim pasakurqa?) nisqan tapukuykunapa kutichiyninkunata maskanankupaq niy manaraq aylluykiwan estudiachkaspa. Chaymantañataq estudiasqaykichik horapi willakuchunku imam tarisqankumanta. Tayta-mamakuna kay yachachikuykunata allintapuni servichikuptinkuqa, allin yanapakuymi kanqa churi-wawankunata ‘Bibliapa yachachikuyninkunamanta’ wawallaraq kasqankumantapacha allintapuni yachachinankupaq (2 Tim. 3:15 Deu. 6:7).