¿Imatam vidaykiwan ruranki?
1 Warmachakunatam tapunku: “¿Wiñaruspayki ima kaytam munanki?”, nispa. Warmachallaraq kachkaspayki, ¿niwaqchu karqa munanim ingeniero kayta, doctor kayta, superintendente kayta, nispa? Otaq warmi warmachallaraq kachkaspayki, ¿niwaqchu karqa munanim allin takiq kayta, enfermera kayta, misionera kayta, nispa? Kunan yuyayniyoqña kaspaykiqa, tapukunaykim: “¿Imatataq vidaywan rurasaq?”. ¿Atiwaqñachu kaymanta tanteayta?
2 Allintapuni tanteaypi yanapasunaykipaqmi, Jehová Diospa llaqtan ruraramun DVD Los jóvenes preguntan... ¿Qué haré con mi vida? (Jovenkunam tapukunku... ¿Imatam vidaywan rurasaq?), niqta. Ama hina kaspa qawaspayki yuyaymanay tukuy yachachikuyninpi, drama nisqanpi, jovenkuna tapusqankupi chaynataq wakin yachachikuykunapipas. Imakunamanta kasqanqa rikukunmi “Menú Principal” (Akllanapaq lista) nisqanpi.
3 Drama (Huk mozopa vidanmanta): Dramata qawaspaykiqa tapukuy: (1) Biblia Griego rimaypi qellqakusqanpi Timoteomanta willawaspanchik, ¿imakunapim rikchakun Andy mozowan? (Hech. 16:1; 1 Tim. 4:8; 2 Tim. 1:5.) (2) ¿Imaynatam Andyta hikutarqaku pukllaypi reqsisqa kananpaq, hinaspa pitaq hikutarqa? (3) ¿Pikunataq allinpaq yanaparqa Timoteotawan Andyta, hinaspa imaynatam yanaparqaku? (2 Tim. 1:1-4; 3:14, 15). (4) ¿Imaynatam yanaparqa Andyta Mateo 6:24 hinaspa Filipenses 3:8 nisqan, imaynatam yanapasunki qamtapas?
4 Selección de escenas (Qawaykuna akllanapaq): Drama qawayta tukuruspaykiqa, kaqllamanta churay qatiqnin qawasqaykikunata hinaspa kay tapukuykunata kutichiy. “Pablo y Timoteo” (Pablowan Timoteo): ¿Pablo Tukunanpaq ima consejotam qorqa Timoteoman? (2 Tim. 4:5.) “Dar el máximo a Jehová” (Tukuy atisqanchikta Jehová Diosman qosun): ¿Espiritualpi imakunatam haypayta munanki? “La decisión de servir a Jehová” (Jehová Diosta servinapaq akllakuy): ¿Maymantam cheqap kusikuy hamun? “Palabras de la abuela” (Abuelapa rimasqankuna): ¿Imanasqam Satanaspa runankuna ukupi ancha reqsisqa kayqa pantay kanman? (Mat. 4:9.) “No me arrepiento” (Manam pesakunichu): ¿Ima yachaymi yanapasunki mana yanqapaq kawsanaykipaq (Pro. 10:22.)
5 Entrevistas (Jovenkunata tapusqankumanta): Kay qatiqninkunata qawaspayki, ¿musyankichu imatam rurawaq Jehová Diosman tukuy allin kaqta qonaykipaq? (1) “¿Jehová Diostachu servinki icha yanqapaq kaqkunatachu haypayta munanki?” (1 Juan 2:17.) (2) “Kusikuywan Dios serviyta yachay.” (Sal. 27:14.) (3) “Jehová Dios serviypiqa achkam ruraykuna kachkan.” (Mat. 6:33.)
6 Al mirar atrás (Rurasqankuta yuyarispa): ¿Kay tapukuykunata kutichiyta atiwaqchu? (1) ¿Ima ruraytam wawqenchikwan paninchik akllakurqaku, hinaspa imanasqa? (2) ¿Imakunatañam hayparurqaku? (3) ¿Imam yanaparqa punta rurasqankuta saqenankupaq? (2 Cor. 5:15.) (4) ¿Ima ruraykunawanmi punta rurasqankuta cambiarurqaku, hinaspa imanasqam musyakururqaku iskayninta mana ruray atisqankuta? (5) ¿Pesakunkuchu ñawpa rurasqanku saqerusqankumanta? (6) ¿Paykunapa ima nisqankunataq yuyaymanachisunki vidaykiwan ima ruranaykipaq?
7 Otras entrevistas (Hukkunatapas tapusqankumanta): Kay tapusqankunapi, ¿ima ruranaykitam yacharunki Jehová Diosta astawan servinaykipaq? (1) “Sapakama Biblia estudiay ancha valorniyoq kasqanmanta.” (2) “Imaynakuna predicanamanta.” (3) “Betelpi serviymanta.” (4) “Misionero kanapaq Galaad escuelamanta.” (5) “Entrenamiento Ministerial Escuelamanta.” (Qawariy “Índice de temas relacionados” nisqanta hinaspa leey astawan yachay munasqaykimanta.)
8 ¿Ñachu tantearunkiña vidaykiwan ima ruranaykita? Apostol Pablom Timoteota nirqa: “Chaytaqa sonqoykipiyá allinta takyachiy, chaynapim llapallanku qawanqaku imaynam aswan-aswan ñawpaqman risqaykita”, nispa (1 Tim. 4:15). Kallpanchamuykikum kay DVD nisqanpi qawasqaykitawan uyarisqaykita rurayman churanaykipaq. Jehová Diostayá mañakuy yachaywan allinta tanteakuspa kunanpas hinaspa hamuq tiempopipas kusisqa kanaykipaq.
[6 kaq paginapi recuadro]
MENÚ PRINCIPAL
Ver drama
Escenas (11 selecciones)
Entrevistas
Ver todas
Secciones (3 selecciones)
Al mirar atrás...
Extras
Otras entrevistas
Índice de temas relacionados
Subtítulos
Para sordos
Ninguno
Listapi maskanapaq kay botonchakunata servichikuy Más ▶, ◀ Volver y Menú principal.