Jehová Dios serviypi kallpanchakuymi kusichiwanchik
1 Predicacionnin cumplinanraykum apostol Pabloqa kusikuywan nirqa ‘kallpaytapas gastasaqmi’, nispa (2 Cor. 12:15). Kunan tiempopipas pay hinam achka cristianokuna tukuy kallpankuwan precursor hina servinku. Wakin wawqe-paninchikkunapas ayllunku ukupi achka rurayniyoq kachkaspankupas allinta allichakuspankum hinalla sapa semana predicanku. Wakin wawqe-paninchikkunañataqmi onqochkaspankupas hinalla Diospa Munaychakusqanmanta willakuchkanku pisi kallpayoqllaña kachkaspankupas. Anchatam kallpanchakunchik wawqe-paninchikkuna yuyaqña otaq ima sasachakuyniyoqña kachkaspankupas tukuy kallpankuwan Jehová Dios servisqankuta qawaspanchik.
2 Runamasinchik kuyaymanta: Sichu tukuy atisqanchikta rurasun Jehová Diosta servispanchik chaynataq Jehová Diosta hinaspa runamasinchikta kuyasun hinaspaqa conciencianchikpim hawka tarikusun. Tukuy kallpanwan Pablo predicasqanraykum, kusikuywan kaynata nirqa: ‘kunanmi qamkunaman nikichik, manam huchayoqchu kani llapallan runakuna castigasqa kanaykichikmantaqa’, nispa (Hech. 20:24, 26; 1 Tes. 2:8). Sichu predicaypi atisqanchikman hina kallpanchakusunchik hinaptinqa manachá huchayoqchu kasunchik runakuna wañunankumanta (Eze. 3:18-21).
3 Runamasinchikta yanapaypi kallpanchakusqanchikmi kusichiwanchik (Hech. 20:35). Huk wawqenchikmi nirqa: “Predicacionmanta wasiyman kutispayqa pisipasqam kani, ichaqa kusisqam tarikuni. Sapa kutim Jehová Diosta agradecekuni kusikuy qowasqanmanta, chaytaqa manam pipas qechuruwanmanchu”, nispa.
4 Dios kuyaymanta: Jehová Diosninchikta kusichisqanraykum puntataqa tukuy kallpanchikwan predicanchik. Jehová Diosninchikta kuyasqanchikmi kallpanchawanchik kamachikuyninkunata kasukunanchikpaq, huk kaqnin kamachikuyninmi runakunata predicayninchik hinaspa Jesuspa qatiqninkuna kanankupaq yanapayninchik (1 Juan 5:3). Runakuna mana uyariwaptinchikpas, otaq harkakuptinkupas hinallam astawan kallpanchakuspa kusikuywan Jehová Diospaq llamkanchik.
5 Kunan tiempoqa manam qellakunanchikpaqchu, cosecha tiempopipuni kasqanchikrayku (Mat. 9:37). Chakrapi llamkaqkunaqa poqoy tiempopim aswan achkanpi llamkanku kawsaykunata huñunapaq pisi tiempolla kasqanrayku, manaraq ismuruchkaptin nitaq urukunapas tukuruchkaptin. Chayna kaqllam kunanpas pisi tiempolla kachkan Jesuspa qatiqninkunata huñunanchikpaq. Amayá qonqasunchu ima tiempopi kawsasqanchiktaqa, aswanqa hinallayá predicayninchikpi astawanraq kallpanchakusunchik (Luc. 13:24; 1 Cor. 7:29-31).