Tapukuykunapaq kaq

◼ ¿Imanasqataq hatun peligro Internet nisqantakama mana reqsisqanchikkunawan rimayqa?

Internet nisqapiqa achkallañam tukuy imaymanakunaqa kachkan runakunawan reqsinakunanchikpaq chaynallataq parlarinanchikpaqpas. Chaynintakamam runakuna retratonkunata qawachinku, sutintawan hayka watayoq kasqankutam willakunku chaynataqmi tukuy munasqankunatapas qellqanku. Internetpi wakin kaqkunam chay fotokunata, sutikunata chaynataq chay runakunapa hayka watayoq kasqankutapas qawanmanku hinaspam rimaytapas qallaykunmanku. Achka mozo- sipaskunam chaykunataqa servichikunku, chaymi congregacionpi wakin mozo-sipaskunapas Jehová Diospa testigonmi kani niqkunawan parlarqaku.

Facilllatam Internet nisqantakama pi reqsisqanchikpas llullakunman pi kasqanmanta, ima munasqanmanta chaynallataq Dioswan imayna tarikusqanmantapas (Sal. 26:4). Jehová Diospa testigonmi kani niqqa ichapas kanman mana iñiqpas, congregacionmanta qarqochikuqpas, chaynataq cheqap iñiymanta qepanchakuspan Jehová Diospa llaqtanpa contranpi churakuqpas (Gal. 2:4). Willakuykunaman hinaqa warmachakuna abusaqkunam Internet nisqantakama warmachakunata abusanankupaq maskanku.

Parlasqanchik wawqe-paninchikkuna congregacionninkupi allin reqsisqa kaptinkupas, Internet nisqantakama rimaptinkuqa facilllatam yanqa rimaykunata qellqanmanku. Kaynam sucedekun Internet nisqantakama mana kikinkupuni reqsisqankuwan parlaptinku. Chaynallataqmi pipas piensanman parlasqankumanta tayta-mamanku chaynataq ancianokunapas nitaq mana pipas yachananmanta. Llakikuypaqmi achka mozo-sipas cristianokuna chay toqllaman wichiykunku hinaspam millakuypaq rimaykunata rimarqaku (Efe. 5:3, 4; Col. 3:8). Wakinkunañataqmi huchapakuyta munachiwananchikpaq hina fotonkunata, huchapakuyman apaq mana allin sutikunata chaynallataq qalalla warmikunawan qarikuna huchapakuymanta kaq peliculakunatawan takikunatapas qawachinku.

Chaynakuna pasakusqanraykum tayta-mamakunaqa warmankunata cuidananku computadora nisqawan ima rurasqankuta (Pro. 29:15). Hatun peligrochá kanman mana reqsisqanchikta wasinchikman pusaramuspa warmanchikwan sapallankuta saqeruyqa. Chayna hatun peligropunim ñoqanchikpaqpas yuyayniyoqña otaq mozo-sipasllaraq kaptinchikpas Internet nisqantakama Jehová Diospa testigonmi kani niqkunawan otaq mana reqsisqakunawanpas rimaspanchik amistadta rurayqa (Pro. 22:3).