Sumaqllaña cambiokunam kanqa Llaqta Cuidaq revistapi
1 Pasaq killakuna qepatam kusikuywan chaskirqanchik huk willakuyta imayna La Atalaya revista runasimipi lloqsimunanmanta. Kay revista estudianapaq yachachiyniyoqlla kachkaspanpas allintapunim yanapakuchkanña, aswantaraqmi Llaqta Cuidaq Revistamanta Estudioman hamuqkunataqa. Ichaqa musyarqankichá kay revista estudianapaq yachachikuyniyoqlla kasqanta. Chayraykum mana lliw runakunamanchu aypunchik. Manataqmi yachachiyninkunamanta entiendenapaq dibujonkunapas kanchu. Chaymi kusikuywan willamuykichik runasimipi kaq revistanchik sapa killa sumaqyachisqaña lloqsimunanmanta, 2008 wata enero killamantapacha. ¿Imaynañataq chaynaqa revistanchikqa kanqa? ¿Imanasqataq aswan allinqa kanqa?
2 Castellanopi La Atalaya sumaqllaña revista hinam runasimipi Llaqta Cuidaq revistaqa kanqa, kay revistapiqa manam huñunakuypi estudianapaq yachachikuykunallañachu kanqa, aswanqa lliw runakunata yanapaq yachachikuyniyoqtaqmi kanqa. Chaynaqa predicacionpi runamasinchikkunamanmi kay revistataqa aypuchkasunchik. Revistakunata imayna munachinapaqmi yanapawasun Reinopaq Servicionchikpi kaq revistakunawan imayna predicanamanta yanapakuykuna. Chaynallataqmi kay revistaqa qaranpiwan ukunpi dibujoyoqkuna kanqa yachachikuyninkuna aswan sumaqllaña kananpaq, hinallataq yachachiypipas allintapuni yanapachikunapaq.
3 Bibliamanta yachanapaq kaq yachachikuykunapas facilllatam entiendekunqa. Bibliapa yachachikuyninkuna familiakunata imayna yanapananmantapas rimanqam. Chay revistapiqa lloqsimunqataqmi Bibliapa textonkunatakama Jehová Diosmanta astawan yachanapaq yachachikuykunapas.
4 Jehová Diostam mañakuniku kay sumaqyachisqa Llaqta Cuidaq revistata bendecinanpaq. Segurom kaniku kay revista Diospa sumaq noticiankunata allin kaq runakunam chayachinanmanta, chaynapi Jehová Diosninchikman aswan asuykuyninkupi imayna yanapananmantapas (Mat. 10:11).