Mosoq watapi sumaqllaña serviciota haypanamanta
1. Mosoq watapi serviciopaq, ¿ima haypay munasqanchikkunapim piensarichwan?
1 Sichu iñiyninchikpi wiñayta munaspaqa imapas ruray munasqanchikkunatam haypananchik. ¿Yaqachum mosoq watapaq servicionchikpi imapas haypay munasqanchikkunata tantearunchikña? Allinpunim huk otaq achka killa precursor auxiliar hina serviyqa. Chaypaqqa allin arreglokunatam rurana, chaymi kunanpuni allinqa kachkan arreglokunata rurananchikpaq. Ichaqa, ¿imanasqataq kay sumaqllaña haypay munasqanchikkunapi reparachwan?
2. ¿Imaraykutaq precursor auxiliar hinaqa servichwan?
2 Imarayku precursor auxiliar hina servinamanta. Precursor auxiliar kayqa yanapawanchikmi serviciopi astawan llamkanapaq chaynapi hanaq pachapi kaq Taytanchikta “aswan mastaraq” servinapaq (1 Tes. 4:1). Ñoqanchikrayku tukuy imaymana rurasqanpi yuyaymanaymi kallpanchawanchik Jehová Diosmanta willakunapaq (Sal. 34:1, 2). Chaymantapas segurom kachwan astawan predicananchikrayku tukuy imaymana rurasqanchikmanta; chayna rurayninchikqa manam yanqapaqchu aswanmi Jehová Diosta kusichin (Heb. 6:10). ¡Mayna kusisqam tarikunchik predicaypi kallpanchakuyninchik Jehová Diosta kusichisqanmanta! (1 Cro. 29:9.)
3, 4. ¿Ima allinkunatam chaskinchik precursor auxiliar hina serviptinchik?
3 Ruraypunim imapaqpas aswan allinqa imakunatapas kusikuywan hawkalla ruranapaq. Chaymi astawan predicaspaqa manañam predicasqanchikpi punkukuna takaytapas manchakusunchu, aswanmi hukkunawanpas rimayta atisunchik hinaspam Bibliatapas aswan allinta servichikusun. Iñiyninchikmanta astawan willakuspanchikqa aswan kallpanchasqam tarikusun. Chullalla runatapas Bibliamanta mana yachachispaqa, ichapas precursor hina serviyninchikpi estudio qoyta qallarichwan imaynam achka wawqe-paninchikkunapa rurasqankuman hina.
4 Chaynallataqmi servicionchikpi mana cumpliqlla kanapaq yanapawanchik. Huk wawqenchik precursor regular hina serviqmi musyakururqa llamkayllanmanña llumpayta qokurusqanta, chaymi precursor auxiliar hinaña servinanpaq tantearurqa. Paymi nin: “Manam piensarqanichu huk killallapi iñiyniypi ancha kallpanchakurunaymantaqa. Arreglokunatam rurarqani precursor auxiliar hina servispa hinalla predicanaypaq chaynapim tiempopa risqanman hinaqa precursor regular hinaña kaqllamanta predicarqani”, nispa.
5. ¿Imaynatam mana ruray atiq qawakusqanchikta atipachwan?
5 Sasachawaqninchikkunata atipasun. Kanmi mana allin predicaq kasqankuta piensaspanku precursor kanapaq mana tanteaqkuna. Kaynata sientekuspaqa yuyarisun Jehová Dios yanapawaqninchik kasqanta. Jeremiastapas Moisestapas yanaparqam; “mana rimakuy atiq kachkaptinpas” Moisestam valekurqa munayninta rurananpaq (Jer. 1:6-10; Exo. 4:10-12). Chaynaqa sichu mana allin predicaq kasqanchikta creespaqa Jehová Diostayá mañakusunchik necesitasqanchikman hina kallpata qowananchikpaq.
6. ¿Imaynatam precursor auxiliar hina serviy munasqanchikta haypachwan onqoq kaspapas otaq achkallaña rurayniyoq kaspapas?
6 ¿Ichapas onqosqaykirayku otaq tiempoyki mana haypasusqaykirayku precursor kaytaqa mana munankichu? Chaymi onqoq kaspaqa atisqanchikman hinallam predicachwan chaynapim precursor hina 50 horasta predicayta atisun. Chaynallataqmi achkallaña rurananchikpaq kaptinqa ichapas hamuq killakunapiña rurachwan chay mana ancha valorniyoq kaq rurayninchikkunataqa. Tukuy punchaw llamkaq wawqe-paninchikkunapas precursor auxiliar hina 50 horas predicaytam haypanku hukta otaq iskay punchawkunata llamkayninkumanta rakispanku (Col. 4:5).
7. ¿Imanasqataq mañakuyninchikpiqa allinpuni kanman precursor kanapaq mañakuyqa?
7 Imaynataq precursor kayta atichwan. Jehová Diosta mañakuspaqa astawan serviy munasqanchiktam willakunanchik hinaspa mañakunanchiktaq kallpanchakusqanchikpi bendeciykuwananchikpaqpas (Rom. 12:11, 12). Paymi yanapaykuwasun allinta tanteaspa sumaq arreglota rurakunanchikpaq (Sant. 1:5). Precursor kanapaq mana ganaschakuspaqa Jehová Diosta mañakusun predicayninchikmanta hinalla kusikuyta tarinapaq (Luc. 10:1, 17).
8. ¿Imaynatam Proverbios 15:22 nisqan yanapawanchikman precursor auxiliar kanapaq?
8 Ayllunchikwan rimarisun precursor auxiliar haypay munasqanchikmanta (Pro. 15:22). Yaqapaschá ayllunchikpi huk kaqnillanpas precursor kayta atinman wakiqnichik yanapakuptinchikqa. Ruray munasqanchikmantaqa rimachwanchiktaqmi iñiqmasinchikkunawanpas, astawanqa ñoqanchik hina tarikuqkunawanmi. Chaynaqa yaqapaschá precursor kanapaq kusikuyninchikqa masyarinman.
9. ¿Ima killakunatam akllachwan precursor auxiliar hina servinapaq?
9 Qawarisun mosoq watapi servicionchikpaq arreglonchikkuna imayna kananmanta hinaspa precursor hina servinapaq haykapi allinpuni kasqanmanta. Sichu tukuy punchaw llamkanchik otaq estudianchik hinaspaqa fiesta punchawniyoq kaq killakunatam akllarichwan otaq pichqa sabadoyoq hinaspa pichqa domingoyoq kaq killakunatapas. Allinpunim kanqa septiembre, diciembre, marzo hinaspa agosto killakuna pichqa semanayoq kasqanrayku. Mayo killapim kanqa pichqa sabado punchawkuna, chaynataq junio killapipas 5 domingo punchawkuna. Onqoq kaspaqa allinyarusqanchik killakunapiña precursor kanapaqmi piensarichwan. Allintaqmi kanman circuito superintendente wawqenchik congregacionman watukamunan killapi precursor kayqa. Chaynapim favorecesqa kachwan precursor regular kaqkunawan huñunakuptin chawpi huñunakuykama kanapaq. Hamuq watapim Señorninchik Jesucristopa wañukusqan punchawta yuyarisunchik 22 marzo killata; chaymi marzo, abril, hinaspa mayo killakuna allinpuni kachkan. Imay killapi otaq ima killakunapi precursor kanapaq tantearuspaqa allin arreglota rurasunchik precursor kaptinchik llapallan 50 horasta predicananchikpaq.
10. ¿Imatam rurachwan precursor hina serviyta mana atispanchikqa?
10 Mosoq wata serviciopi mana precursor auxiliar hina serviyta atispapas hinalla hatallisun precursor hina serviy munasqanchikta. Hinallayá servicionchikpi kallpanchakusun servinanchikrayku tukuy sonqomanta kallpankusqanchikwan Jehová Dios kusikusqanmanta seguropuni kaspanchik (Gal. 6:4). Kallpanchaykusun llapallan precursor hina serviqkunata hinaspa tukuy atisqanchikwan yanapaykusun. Atispaqa sapa semana predicanapaq arreglonchikta allichaykusun precursor kaqkunawanpas sapa semana predicananchikpaq.
11. ¿Imanasqataq qawan-qawanlla kawsananchik?
11 Jehová Diospa siervonkunaqa qawan-qawanllam kawsanchik kay kamachikuywan cumplinanchikrayku: Diospa sumaq noticiankunamanta willakuywan. Runamasinchikkunam wañurunmanku mana predicaptinchikqa, chaymi tiempopas pisiyaruchkanña (1 Cor. 7:29-31). Jehová Diostawan runamasinchikta kuyayninchikmi yanapawanchik servicionchikpi anchatapuni kallpanchakunanchikpaq. Sonqomanta kallpanchakuspaqa hinaspa sumaq arreglowanqa achkam huk killallapas mosoq wata serviciopi precursor auxiliar kaytaqa haypasunchik.