Circuito asambleapaq mosoq programa
Jehová Diosllatam hatunchananchikqa. Chaynaqa, ¿imaynatam hatunchayta atichwan? ¿Ima sasachakuykunatam atipanku wakin iñiqmasinchikkuna Diosta hatunchanankupaq? ¿Ima bendicionkunatam tarinku kunan tiempopi Diosta hatunchaqkuna? Kay tapuykunatam 2008 servicio watapi circuito asamblea kutichinqa. Kay asambleapa sutinmi: “Llapantayá rurasunchik Dios honrasqa kananpaq” (1 Cor. 10:31). Qawasunchik imakunamantam kay iskay punchaw asambleapi yachasunchik.
Diosmanta Willanapaq Yachachiq Escuela huñunakuyta distrito superintendente ruraspanpas, qonqataqmi kay discursokunata: “¿Imanasqataq Diosta hatunchana?”, “Diospa mañawasqanchikkunata allintapuni cumplisunchik”, hinaspa lliw runakunapaq discursotapas “¿Pikunataq kunan tiempopi Diosta hatunchanku?” niqta, chaymantapas asamblea tukunanpaq discursota “Diosta huk sonqolla hatunchasunchik enteron pachapi” niqta. Chaymantapas circuito superintendentem kay kimsa discursokunata qonqa: “Kawsakuyninchikpi Diosta hatunchaspa kusikusun”, “Uyarisunchik circuitopi congregacionkunapa necesitasqankumanta” hinaspa “Hinalla ‘cheqappi qaqa hina sayasunchik’”, kay tukupaq discursom takyachkan 2 Pedro 1:12 nisqanpi. Chaymantapas yachasunmi imaraykum “Precursor hina serviyqa Diostam hatunchan” niq discursomanta. Asambleapaq programapiqa kanqataqmi sumaqllaña iskay rakinasqa discursokuna. Punta kaqmi kayna sutiyoq kanqa “Imata ruraspapas Diosta hatunchasunchik”, kay discursom allintapuni yachachiwasunchik 1 Corintios 10:31 nisqanmanta. Iskay kaqñataq kayna sutiyoq “Jehová Diosta servisunchik payta hatunchanapaq”, kaypim yachachiwasun Jehová Diosta imaymana servinanchikmanta. Domingotañataq Llaqta Cuidaq revistamanta pisillapi yachasunchik hinaspa texto diario nisqa folletomantapas. Chaymanta bautizakuypas kanqam.
Yaqa llapallan runakunam mana munankuchu Dios hatunchayta. Achkataqmi imapas ruray munasqallankupi kachkanku hinaspa manataq piensankuchu Jehová Dios tukuy atiyniyoq kasqanmanta (Juan 5:44). Ñoqanchikmi ichaqa tiempochakunchikpuni imaynatam llapallan rurasqanchikwan Diosta hatunchanamanta yachananchikpaq. Chaynaqa preparakusun asambleapi kananchikpaq hinaspa iskaynin punchawpi allintapuni yachasunchik.