Día especial asambleapaq mosoq programa

Día especial asamblea 2008 watapaq sutichakun “Ñoqaykuqa mitu hinam kallaniku, Jehová Diosmi ichaqa Manka ruraq hinam” (Isa. 64:8). Asambleapi Bibliamanta yachachikuykunaqa yanapawasunchik Mankata hina Rurawaqninchik Jehová Diospa yachayniyoq kayninta, allin ruraq kayninta, atiyniyoq kayninta chaynataq kuyakuq kaynintapas entiendespa kuyananchikpaq.

Congregacionkunata watukuq wawqenchikpa “Predicacionpi Diospa ‘allinta servichikusqan’ kasunchik” nisqa discursonmi qawachiwasun cheqapta yachasqankumanta chaynataq runamasinkuman chayta yachachisqankumanta achkallaña runakuna achka bendicionkunata chaskikusqankuta. “Yuyaymanayqa cuidawasunchikmi” nisqa discursopiqa yachachiwasunchik Jehová Diospa allin yachachikuyninkunapi yuyaymanayqa cuidawasqanchikmanta. Betel wasipa kamachisqan discursaqmi kaymanta yachachinqa “Amayá runakunapa imaynam kunan tiempopi kawsasqallantaqa qatipakuychikchu” hinaspa “Allin Manka ruraq hina Diospa rurasqanmi kanchik”. Chaymantapas “Jehová Diospa servichikusqan mozokuna” hinaspa “Tayta-mamakunaqa Diosta manka ruraqta hina yanapankupuni” nisqa discursokunaqa tayta-mamakunata hinaspa mozokunatapas kallpanchanqa. Asambleapi qawasqanchik demostracionkuna chaynataq entrevistakunapas qawachiwasunchikmi predicacionpi wawqe-panikunapa rurasqankuta. Diosman qokusqankuta qawachinankupaq bautizakuyta munaqkunaqa ñawpamantaraq rimananku congregacionpi superintendente presidente kaq ancianowan. Chay semanapi estudianapaq Llaqta Cuidaq revistanchikta ama qonqasunchikchu apayta.

Diosqa Allin Manka ruraq hinam munasqanta ruranpuni. Ñoqanchikmi ichaqa tanteakunanchik mitu hina kaspanchik payqa ñoqanchikwan munasqanta rurananpaq. Pipas Jehová Diospa kamachisqanta qatikuspa chayman hina kawsayninta allinyanachispaqa, manka ruraqpa herramientanpi mitu hinam allinta qespin sumaq manka kanankama. Jehová Diospa munasqanman hina kawsaspaqa kamachikuq kaynintam hatunchasunchik chaymanta achka bendicionkunatapas chaskisunchik.