Tapukuykunapaq kaq

◼ ¿Predicasqanchik qellqakunapiqa qellqachwanchu sapakamapa correo electrónico de internet nisqanta, chaynintakama qellqamuwananchikpaq?

Wawqe-panikunamanta wakinmi correo electrónico de Internet nisqantam revistakunapi chaynataq tratadokunapipas sellowan churanku otaq qellqasqatapas laqanku chaynintakama runakuna tapukuyninku kaptin qellqamunankupaq. Chaynata ruraspankuqa runakunata yanapaytachiki munachkanku. Ichaqa revistakunapi chaynataq tratadokunapipas kanñam tukuqnin paginanpi Jehová Diospa testigonkunapa Internetpi direccionninqa, chaymi kikinchikpa correo electrónico de Internet nisqantaqa manaña predicasqanchik qellqakunapiqa churananchikchu.

Ichaqa sapakamam tanteakunanku correo electrónico de Internet nisqanta saqeyta munaspaqa sapaq papelchapim qellqanmanku watukunanku kaptinqa. Allinpunimá kanman Diosmanta yachay munaq runakunaman kikinchikmanta yapamanta watukuyqa paykuna qayamuwananchikta suyananchikmantaqa. Paykunapi cheqapta interesakusqanchiktaqa yachanqaku watukuq rispa yachachimuptinchikmi.