Yapamanta watukuspa allinta yanapanapaqqa preparakunam
1. ¿Ima nirqataq Jesusqa predicanamanta?
1 “Diospa munaychakusqanmanta allin noticia” willakunankupaqmi qatiqninkunata Jesusqa allinta yachachirqa (Mat. 4:23; 9:35). Palestina lawllapi predicaspanpas, Jesusqa manaraq hanaq pachaman richkaspam nirqa tukuy hinastinpi predicanamanta chaynapi ‘llapallan nacionpi runakuna’ qatiqninkunaña kanankupaq (Mat. 28:19, 20).
2. ¿Imatam rurananchik runakuna Jesuspa qatiqnin kanankupaq?
2 Jesuspa nisqanta cumplinapaqqa, Diospa Munaychakusqanmanta allin noticiata uyariyta munaq runakunatam yapamanta watukuspa Cristopa tukuy ima kamachisqanta kasukunankupaq yachachina. Chaymi yapamanta watukusqanchik allin kananpaqqa allinta preparakunanchik.
3. Punta watukusqanchikpi, ¿imatam rurachwan yapamanta watukunanchikpaq?
3 Yapamanta watukunapaq ima ruranamanta: Wakin wawqe-paninchikkunaqa punta watukusqankupim tapukuyta ruranku yapamanta watukuspanku contestanankupaq. Kutispankum Yachachiq librota chaylla servichikunku, chaynapim Bibliamanta estudiota qallarinku.
4. ¿Imanasqataq mana suyananchikchu huk revista chayamunantaraq yapamanta watukunapaq?
4 Killapi huk kutillata revistakunata chaskispanchikpas manam huk killataraqchu suyananchik yapamanta watukunanchikpaqqa. Aswanqa hinalla yachananpaqmi huk revista saqesqanchikta estudiachwan.
5. ¿Imanasqataq watukuspayki ima ruranaykimanta tanteanayki?
5 Watukuspayki ima ruranaykimanta tanteay: Manaraq yapamanta watukuchkaspayki punta watukuspayki qellqasqaykita qawariy, hinaspa ima ruranaykimanta tanteay; ejemplopaq, saqesqayki revistapa huk kaqnin yachachikuyninta estudianaykichikpaq otaq parlasqaykichikwan tupaq qellqakunatapas saqenaykipaq. Tapukuyta saqespaykiqa munankichá contestayta. Bibliapa nisqanman hina yachachisqayki kasqanta qawachiyta munaspaqa, Bibliamantapuni leey.
6. ¿Imapaqmi yapamanta watukunchik?
6 Biblia estudiachiyta munasqanchikmanta: Munanchikmi Bibliamanta estudio qallariyta. Huk runata wawqenchik yapamanta watukuspa Biblia estudianankupaq niptinmi runaqa mana munarqachu. Chaymantam wawqenchikqa kutirqa chayllaraq chayamuq revistakunata apaspa, hinaspam nirqa: “Kaykunapim predicachkaniku, hinaspam runakunapa tapukuyninkuta Bibliawan contestachkaniku”, nispa. Chaymantam, rimasqanta uyarispa Bibliamanta huk textota chaynataq estudio qonapaq libropa huk parrafonta leerqa. Chayna rurasqanwanmi estudiota qallarirqa.
7. ¿Imaynatam preparakusqayki yanapasurqanki Bibliamanta estudio qonaykipaq?
7 Allinpunim yapamanta watukunapaq tiempochakuspa preparakuyqa, Diosta servisqanchikpim kusisqa tarikusun, hinaspapas favorecesqam kachwan ‘wiñay kawsanankupaq lliw akllasqa kaqkunata’ yanapaspa (Hech. 13:48).