Carta de la Sucursal

Kuyasqa wawqe-panillaykuna:

Kay 2008 watapi, Ecuador, Perú, Venezuela hinaspa Colombia nacionkunapi, 403.008 wawqe-panikuna kallpanchakuspa predicasqaykichikmantam kusikuniku. Precursor regularñataqmi 57.604 wawqe-panikuna, paykunaqa congregacionkunapim yanapakunku (Tito 2:14).

Señorninchik Jesucristopa wañukusqanta Yuyarinapaq killakunapim, wawqe-paninchikkuna marzo killapi 43.084, abril killapiñataq 24.151, mayo killapipas 20.758 precursor auxiliar karqaku. Iñiqmasinchikkunatam kusichirqa ‘tukuy sonqonkuwan’ Diosta servisqankuqa (Rom. 12:11).

Kallpanchakuspa llamkasqaykichikta Jehová Diosninchik bendeciptinmi 641.420 runakuna Bibliata estudiachkanku. Chaynataqmi huñunakunanchikpaq 125 mosoq Salonkunata rurarqaku, allicharqakutaqmi 35 salonkunatapas kaywanmi nana-nanaq runakuna Diospa llaqtanman hamuchkanku Diospa yachachisqan kanankupaq (Isa. 2:3).

2008 watapim tawantin nacionkunapi Señorninchik Jesucristopa wañukusqanta Yuyarinapaq marzo killapa 22 sabado punchawninpi huñunakurqaku 1.351.292 runakuna. Kayna yapakusqanmi qawachiwanchik Diosta serviqkunamantaqa kimsa kuti masraq Diosmanta yachay munaqkuna kasqanta.

Jehová Diostam mañakuchkaniku Gobiernonmanta mana hukmanyaspa willakunapaq kallpanchakusqanchikta bendeciwananchikpaq. Kuyakuyniykutayá chaskiychik.

Wawqekichikkuna,

Sucursal Oficinamanta