Jehová Diospa Testigonkunapa 2009 watapi kimsa punchaw asambleanku
1. a) ¿Ima bendicionkunatam chaskisun kimsa punchaw asambleapi kaspanchikqa? b) ¿Imakunatam kunanmantapacha rurananchik?
1 Llapallanchikmi kusikuywan suyachkanchik 2009 watapi kimsa punchaw asambleata, chaynataq wawqe-paninchikkunawan tupaykuytapas paykunapas, ñoqanchik hinam “Diostam necesitani”, ninku (Mat. 5:3). Jehová Diospa punchawnin hichpaykamusqanraykum allinpuni kanman kimsantin punchaw asambleapi kayninchikqa, chaynapim iñiqmasinchikkunawanpas hinaspa yachachikuykunawanpas kallpanchasqa kasunchik iñiyninchikpi qaqa hina takyananchikpaq (Sof. 1:14). Asambleanchikkunapi Dios yupaychasqanchikta profesorkunapas hinaspa patronkunapas yachachunku. Chaypi kanaykipaqyá tiempowan tanteay hinaspa Diospi confiakuspa kallpanchakuy bendicionninta chaskinaykipaq (Isa. 50:10).
2. Huklaw nacionpi iñiqmasinchikkunapiwan asamblea rurakusqanman mana invitasqa kaptinchikpas, ¿imanasqataq kimsa punchaw asambleaqa yaqa chaynalla kanqa?
2 Huklaw nacionmanta iñiqmasinchikkunapiwan asamblea: Kay asambleaqa manam lliw nacionkunapichu nitaq lliw llaqtakunapichu rurakunqa, chaymi invitasqa kaqkunalla rinanku. Llapallanchikpa kasukuyninchikmi ancha allin kanqa asamblea rurakusqan localman tanteasqankuman hinalla yaykunankupaq (1 Cor. 14:40; Heb. 13:17). Kimsa punchaw asambleanchikkunapas yaqa chaynallam kanqa, chaypiqa kanqaku misionerokuna, huklaw nacionmanta betelitakuna hinaspa siervos internacionales nisqa wawqenchikkunam.
3. ¿Imaynatataq congregacionninchikpi qawachichwan iñiqmasinchikkuna kuyasqanchikta?
3 Hukkunata yanapasun rinankupaq: ¿Yaqachu congregacionpi sasachakuqta yanapachwan asambleaman rinanpaq? Iñiqmasikita yanapaspaykiqa manam ‘kikillaykipaq allinta munasqaykitachu’ qawachichkanki aswanqa hukkunapaqpas munasqaykitam (Fili. 2:4).
4, 5. ¿Imaynatataq yachachwan maypi hinaspa haykapi kimsa punchaw asambleakuna rurakunanmanta?
4 Imaynatam astawan yachachwan: Maypi hinaspa haykapi asambleakuna kananmanta yachanaykichikpaq sucursalman manaraq qayachkaspaykichik ama hina kaspa La Atalaya 1 de marzo de 2009 nisqa revistata qawaykuychik, otaq congregacionpi secretario wawqenchikta tapukuychik.
5 Asambleapi tiyanakuna, Bibliamanta qellqakuna, samapakunapaq wasikuna hinaspa tukuy imapas mana pisirunanpaqmi ruegakamuniku tupasuqnikichik asambleaman rinaykichikpaq. Mana atisqaykirayku sapaq asambleaman rinayki kaptinqa, congregacionpi secretario wawqenchikta mañakuy samapakuymanta formulariota huntanaykipaq. Asamblea rurakusqan llaqtapi huk asambleakunapas kaptinqa willakuy haykapi rinaykita. Chay fomulariota huntaruspayki, congregacionpi secretario wawqenchikman qoykuy, hinaptinmi payña apachinqa asamblea rurakusqan llaqtaman.
6-8. Asambleapi samapakuymanta, ¿imakunatam mana qonqananchikchu, hinaspa imanasqa?
6 Samapakunamanta: Asambleapi samapakunapaq llamkaq wawqenchikkunaqa kallpanchakunkum Comité de Servicio de la Congregación nisqa wawqenchikkunapa aprobasqan wawqe-paninchikkunata hinaspa allin portakuq wawa-churinkutapas samachinankupaq. Samapakunapaq wasikunaqa sasachakuqkunallapaqmi. Allinmi kay arregloqa kanqa samachiq hinaspa samapakuq wawqe-paninchikkuna kuyakuywan yanapakuptinkuqa.
7 Asamblea rurakusqan llaqtapi yachaspaqa, atinchikmanmi huklawmanta hamuq wawqe-paninchikkunata wasinchikpi samachiyta. Asambleakunapim pachaknintin cuartokuna necesitakun wawqe-paninchikkunata samachinapaq. Samaykachikuq kaspaqa, Jehová Diosmantam achka bendicionkunata chaskisun, chaymi Hebreos 13:16 nin: “Allin ruraytawan kapuqnikichikwan yanapanakuytaqa amayá qonqaychikchu, chay rurasqaykichikwanmi kañasqa ofrendawan hina Diosta agradankichik”, nispa. Wawqe-paninchikkunata wasinchikpi samachinanchikpaqqa congregacionpi secretario wawqenchikwanmi rimananchik.
8 Samapakunapaq wasiqa asamblea punchawkunallapaqmi; manam allinchu kanman asambleapa ñawpaqninta nitaq pasaytapas paseakunanchikrayku otaq imapas rurananchikrayku samapakuyqa. Chaymantapas, kuyakuyninchikmi kallpanchawasun samachiwaqninchik wawqe-paninchikkunata mana hukmanyachinapaq. Warmakunatapas cuidanankum mana yaykunanku cuartokunaman mana yaykuchkanankupaq. Kayna niwasqanchikkunata llapallanchik kasukuspanchikqa iñiqmasinchikkunawanmi sumaqta kallpanchanakusunchik (Romanos 1:11, 12).
9, 10. a) ¿Imataq yanapawasun asambleapi asientokunata rakispa kikillanchikpi mana piensananchikpaq? b) ¿Imaynatam qawachichwan hukkunapa allinninkupaq munasqanchikta?
9 Allin portakuyninchikmi Diosta hatunchan: Asambleapi tiyananchikta rakispanchik, ¿kallpanchakuchkanchikchu kikillanchikpi mana piensananchikpaq? Kaykunapi kasukusqanchikqa sutillam qawakuchkan, Chayqa ancha allinmi. Ichaqa hinallamá kallpanchakunanchik. Achka yuyarichikuykunata chaskispapas kuyakuq kasqanchikmi yanapawasun allin kaqkunata rurananchikpaq.
10 Yuyaqkunapi hinaspa chayllaraq hamuqkunapi piensaspanchikmi kaynata tapukunanchik: “¿Munasqay sitiollapichu tiyayta munani, icha mana imapas sasachawaptinqa qepapipas tiyakuymanchu? Asientokunapi imaykunapas churasqayta, ¿asurichinichu 10 otaq 15 minuto faltachkaptin, chaynapi hukkuna tiyakunankupaq? ¿Huñullachu familiaywan kani kuskalla tiyanaykupaq chaynapi asientokunata kaypi-chaypi yanqapaq mana rakinaykupaq? ¿Kasukunichu asientokuna rakisqaymanta asambleapi chaskiqkuna imapas niwasqanta?”
11. ¿Ima ruraypim kallpanchakunanchik 2009 watapi kimsa punchaw asambleapi kaspanchik?
11 Rimasqanchik hinaspa imayna portakusqanchikpas chuya espiritupa kawsachisqanman hina kaptinqa Jehová Diospa llaqtanmi aswan allin qawasqa kanqa asamblea rurakusqan llaqtapi hinaspa asambleapipas, chaynapi hukkunata mana hukmanyachinapaq (1 Cor. 10:31; 2 Cor. 6:3, 4). Jesusmi nirqa runaqa kawsan ‘Diospa llapa rimasqankunata’ uyarispanmi, nispa. (Mat. 4:4). Watan-watan asambleakunapim Jehová Diosqa ‘allin yuyayniyoq confianza sirvientewan’ ‘horallanpi mikuchiwanchik’ (Mat. 24:45). Asamblea rurakunanpaqqa wawqenchikkunam anchata kallpanchakunku. 2009 watapi kimsa punchaw asambleaman risqanchik hinaspa imayna portakusqanchikyá Diosta hatunchachun (1 Ped. 2:12).