‘Diospa kuyakuyninpiyá takyasunchik’
1. ¿Imapaqtaq rurasqa kachkan “Diospa kuyakuyninpiyá takyasunchik” libroqa?
1 Kay 2009 watapim 14 punchaw septiembre killamanta Biblia Estudianapaq Huñunakuypi “Diospa kuyakuyninpiyá takyasunchik” librota estudiayta qallaykusunchik. Arí, munachkanchikñam kay libro estudiaytaqa. Jehová Diospa Llaqtanpi Punta Apaqkunam cartanpi kay mosoq libromanta Dios kuyaqkunata kaynata nin: “Diospa kamachikuyninkunata kasukunapaq kay libro yanapawananchiktam tukuy sonqoykumanta munaniku, chaynapi ‘wiñay kawsayta [...] suyaspa’ ‘Diospa kuyakuyninpi takyananchikpaq’ (Judas 21)”, nispa.
2. ¿Imakunapitaq kay mosoq libroqa yanapawasunchik?
2 ¿Imakunapim yanapawasunchik? Yanapawasunkmi Bibliapa yachachikuyninkunata kasukunanchikpaq: amistadkuna akllaypi, kusirikuykunapi, imayna kawsakuyninchikpi, autoridadkuna kasukuypi, casado vidapi hinaspa rimayninchikkunapipas. Kay libro estudiasqanchikwanmi conciencianchikta allinta yachachisunchik Diospa yachachikuyninman hina kawsakunanchikpaq (Sal. 19:7, 8). Diosta kusichiyta munaspanchikmi tukuy imaymana kawsakuyninchikpi payta kasukusunchik, imayna piensasqanta entiendesqanchikrayku (Pro. 27:11; 1 Juan 5:3).
3. ¿Imanasqataq kallpanchakunanchik sapa semana huñunakuypi rimarinanchikpaq?
3 Huñunakuypi rimarinanchikpaq. Allinta preparakuy estudiopi rimaspayki Diosta alabanaykipaq (Heb. 13:15). Lliw huñunakuypi kaqkunawanmi kay mosoq libroqa estudiakunqa. Asllata estudiananchik kasqanraykum allin preparakuyta atisun, hinaspam yachasqanchikkunamantapas mana iskayrayaspa rimarisunchik. Chaymantapas allinta preparakuspa pisillapi rimayninchikmi hukkunata kallpanchanqa kuyanakuspa allin kaqkunata ruranankupaq, chaynapim huñunakuyninchikqa sumaqllaña kanqa (Heb. 10:24). Chayna rimarisqanchikwanmi kusisqa tarikusunchik.
4. ¿Imanasqataq Jehová Diospa kamachikuyninkunata kasukunanchik?
4 Jesusmi wañukunanpaq tuta Jehová Diospa kamachikuyninkuna kasukuyta tupachirqa Diospa kuyakuyninpi takyaywan (Juan 15:10). “Diospa kuyakuynin”, libropa yanapakuyninwanmi astawan kallpanchasqa kasunchik Bibliapa yachachisqanman hina kawsanapaq hinaspa ‘Diospa kuyakuyninpi takyanapaqpas’ (Jud. 21).