Jesuspa wañukusqanta Yuyarinapaq listo kasunchik
Cristianokunapaqqa ancha kusikunapaqmi Jesuspa wañukusqanta Yuyarinapaq ñawpaqmantaraq chay huñunakuypaq tiempochakuyqa (Luc. 22:19). ¿Imakunatataq ñawpaqmantaraq chay huñunakuypaq rurachwan?
◼ Imay hora hinaspa maypi rurakunanmanta: Jesuspa wañukusqanta Yuyarinapaq huñunakuy maypi hinaspa imay hora apakunanmantaqa lliwmi yachananku. Ancha allinmi kanman tiempollanpi chayayqa, hinaspa huñunakuy tukuytapas mana chaqwata ruraspa sumaqllata lloqsiyqa, aswanraqmi chay Salonllapi huk congregacionpas chayna huñunakuyta ruraptinqa. Chaymantapas kallpanchakuy: punkupi, patiopi, veredapi hinaspa carrokuna sayananpi tanqanakuy mana kananpaq.
◼ Invitacionkunamanta: ¿Predicaqkunapa ñachu kanña invitacionninkuna, hinaspa yachankuñachu invitacionpa ima nisqanta? ¿Ñachu ensayarunkiña chaywan imayna predicanaykipaq? ¿Pikunamantaq qowaq? Arí, kallpanchakuyá llapallan invitacionta aypunaykipaq.
◼ Hamunankupaq yanapakuymanta: Ama qonqaychu, yanapanapaschá kanqa chay huñunakuyman hamuq runakunata hinaspa wakin iñiqmasinchikkunatapas. Hinaptinqa, ¿tantearunkiñachu hamunankupaq imayna yanapanaykipaq?
◼ Tantamantawan vinomanta: Ancianokuna yuyariychik; manaraqmi tantatawan vinotaqa haywakunaraqchu Inti manaraq seqaykuchkaptinqa. Apanataqmi kanqa tantatawan vinota ungidokuna onqosqankurayku chay huñunakuyman mana hamuptinkuqa. Chaymantapas, chay punchawpaq hinam tantawan vinoqa listo kanan (qawariy 15 de febrero 2003, La Atalaya revistapa 14, 15 paginankunapa 14, 17 parrafonkunata).
◼ Huñunakunanchik Salonmanta: Ñawpaqmantaraqmi tiempochakuna Salonta allintapuni limpianapaq, maskanataqmi allin manteltawan mesata hinaspa copatawan tanta churana platotapas. Chay huñunakuy mana salonpi kaptinqa, microfonowan parlantekunam listo kanan discurso allintapuni uyarikunanpaq. Ñawpaqmantaraq akllaychik huñunakuypi chaskiqkunata, tantatawan vino haywaqkunata, hinaspa tiempowan niy imakuna ruranankumantawan allin allichasqa rinankumantapas.
Jesuspa wañukusqan punchawta yuyariyqa imamantapas ancha allinmi, chaymi sapakama hinaspa llapallanchikpas listo kananchik. Arí, Jehová Diosqa bendicionnintam qonqa ñoqanchikrayku Churin Jesucristopa wañukusqanta llapallan chaninchaq runakunaman.