Entiendenanpaq hina yachachiy
1. ¿Imataq yanapawanchik allinta yachachinapaq?
1 Entiendenankupaq hina yachachiyqa yanapawanchikmi sumaqta yachachinapaq. Jesuspas uyariqninkuna entiendenankupaq hinam yachachirqa. Ñoqanchikpas allinta yachachiyta munaspaqa, Jesustam qatipakunanchik (2 Tim. 4:2; Juan 13:13).
2. Yachachisqanchikta entiendenankupaqqa, ¿imatam mana ruranachu, hinaspa imanasqa?
2 Entiendenankupaq hina rimasun: Orqopa Waqtanpi Jesuspa rimasqanpim, imayna kawsanapaq sumaq yachachikuykunata nirqa, chaykunatam yachachirqa runakuna entiendenankupaq hina (Mat. 5-7 capitulokuna). Uyariqnin runakunam “admirasqallaña karqaku yachachikuyninkunawan”, hapinankupaq riq guardiakunapas nirqakum: “Manam pipas pay hinaqa rimarqachu”, nispa (Mat. 7:28, 29; Juan 7:46). Chaymi runakunapa sonqonman chayanapaqqa manam yachachinachu sasa entiendenapaq rimaykunawanqa, nitaq sasa rikchanachiykunawanpas; cheqap yachachikuytaqa runakunapa rimasqanku palabrakunawanpas yachachichwanmi.
3. ¿Imanasqataq wakinpiqa llumpayta yachachiyta munanchik? ¿Imataq yanapawasun mana chaynata ruranapaq?
3 ¿Achkatachu yachachina? Jesusqa uyariqninkunapim piensarqa, achkata otaq pisillata yachachinanpaqqa (Juan 16:12). Kaymi yachachiwanchik cuentata qokuspa necesitasqankuman hina yachachinapaq, astawanraqmi ayllunchikkunata, yachay munaqkunata otaq warmachakunatapas yachachispaqa. Yachayta munachkaptinkupas, manam llumpaytaqa yachachinachu. Allin sonqoyoq runa kaspankuqa, hinallam Diosmanta yachanqaku (Juan 17:3; 1 Cor. 3:6).
4. ¿Imanasqataq yachanankupaq kaqllata yachachinanchik?
4 Yachanankupaq kaqllata yachachisun: Jesusqa manam yachachisqantaqa sasacharqachu llumpayta yachachispanqa. Wañuqkunamanta rimaspanmi nirqa: “Llapallan wañuqkuna[m] kawsarimunqaku” nispa, kaymanta rimaspanqa manam yachachirqachu kawsarimuqkunamanta wakinku maypi kanankumantaqa (Juan 5:28, 29). Chaynallataqmi Bibliamanta estudiota qospapas, kallpanchakunanchikmi yachanankupaq kaqllata yachachinapaq, manam hukkunamantaqa rimanachu.
5. ¿Imaynam tarikusun entiendenankupaq hinalla yachachispaqa?
5 ¡Maynatamá kusikunchik entiendenapaq hinalla Jehová Dios yachachiwasqanchikmantaqa! (Mat. 11:25.) Chaynallataqmi ñoqanchikpas rurananchik, chaynapim kusisqa tarikusun Diosmanta yachachisqanchikwan.