Ama manchakuychikchu
1. ¿Maypitaq astawan kallpanchakunayki predicanaykipaq hinaspa imanasqa?
1 ¿Yaqachu haykapipas escuelaykipi mana predicarqankichu penqaypi qeparuyta manchakuspa? Predicanaykipaqqa anchatam kallpanchakunayki astawanraqmi penqapakuq kaspaqa. Chaypaqqa, ¿imataq yanapasunkiman?
2. ¿Imaynatam allin tanteasqaykita qawachiwaq escuelapi predicaspa?
2 Allinta tanteay. Escueylayki predicanaykipaq allin kaptinpas tanteanaykim pikunaman predicanaykipaq chaypiqa manam lliwmanchu predicanayki. Allinta tanteay haykapi predicanaykipaq (Ecl. 3:1, 7). Ichapas tareaykikuna rurasqayki yanapasunkiman iñisqaykimanta rimanaykipaq. Yaqapaschá escuelapi kaqmasiki tapusunkiman imanasqa wakin costumbrekunata mana rurasqaykimanta. Wakinmi escuela qallarisqan tiempopi profesorninkunaman reqsichikunku Jehová Diospa testigon kasqankuwan hinaspam qonku imapi iñisqanchikmanta qellqakunata. Wakinñataqmi carpetapa hawanpi qellqakunata saqenku escuelapi kaq masinkuna chayman hina tapukunankupaq.
3. ¿Imaynatam preparakuwaq escuelapi predicanaykipaq?
3 Preparakuy. Allinta preparakuspaykiqa manam manchakunkichu (1 Ped. 3:15). Piensay imamanta tapusunaykipaq kaqkunapi hinaspa imaynata contestanaykipaqpas (Pro. 15:28). Atikuptinqa apawaqmi Bibliata, Los jóvenes preguntan otaq Razonamiento librokunata hinaspa Diospa unanchasqankunamanta yachachiq wakin qellqakunatapas chaykunawan yanapachikuspa rimanaykipaq. Chaymantapas tayta-mamaykita niy familiawan Diosta yupaychanapaq tutapi imayna predicayta yachachisunaykipaq.
4. ¿Imanasqataq hinalla kallpanchakunayki escuelapi predicanayki?
4 Hinalla kallpanchakuy predicanaykipaq. Ama piensaychu escuelapi kaqmasikikuna predicaptiki sapa kuti burlakusqankupiqa. Yaqapaschá wakinqa admirakunqa valorchakuspa predicasqaykiwan hinaspa ichapas uyarisunkiman. Pipas mana uyarisuptikiqa ama hukmanyaychu. Kallpanchakusqaykiqa Jehová Diostam kusichin (Heb. 13:15, 16). Diosta mañakuy “mana manchakuspa” hinalla predicanaykipaq (Hech. 4:29; 2 Tim. 1:7, 8). Pipas uyarisuptikiqa kusikunkim. Ichapas paykunaqa tiempo pasaptin iñiqmasinchikña kanmanku.