Listollayá kay maypipas predicanaykipaq
1. Willakuy huk ejemplota maypipas predicay allinpi tukusqanmanta.
1 Maypipas predicayqa allinpim tukunman. Bibliapim ejemplokuna kan maypipas predicay allinpi tukusqanmanta (Juan 4:7-15). ¿Imaynatam preparakuchwan maypipas predicanapaq?
2. Pachanchik hinaspa allichakusqanchik, ¿imaynatam yanapawasun predicanapaq?
2 Allichakuyninchikmanta: Imayna pachakusqanchikwan hukmanta sientekuspaqa penqakusunchá predicaytaqa, ichaqa allichakuyninchik allin kaptinqa hawkamá predicasun (1 Tim. 2:9, 10). Chaymantapas limpio kaptinchikqa yaqapaschá runakunaqa ñoqanchikwan parlayta munanqaku. Chaynam pasarqa casado iñiqmasinchikkunawan, paykunam musulmán religionniyoq runapa waqtanpi tiyaspanku illachkarqaku. Hinaptinmi chay runa iñiqmasinchikkuna allin allichasqa kasqankuta qawaspan, tapurqa sichu cristianokuna kasqankuta, hinaspam parlarqaku 3 horapuni.
3. Jesusta qatipakuspa, ¿atirqankichu qampas predicay qallariyta?
3 Predicayta imayna qallarinamanta: Jacobpa pozonpa waqtanpi Samariamanta warmiwan Jesus rimaspanmi, sumaqllata rimayta qallaykurqa yakuta mañakuspan. Ñoqanchikpas chaynatam predicayta qallarichwan, ichapas pisillapi imamantapas rimaspa otaq tapukuyta ruraspapas. Wakinpiqa iskayrayasqachá sientekusun, ichaqa Diospa yanapakuyninpi confiaspaqa ‘kallpanchasqam’ kasun predicayta qallarinapaq (1 Tes. 2:2).
4. ¿Imaynatam preparakuchwan maypipas predicanapaq?
4 Maypipas predicanapaq imakuna ruranamanta: Achka iñiqmasinchikkunam maypipas predicanankupaq kallpanchakunku. Qampas atiwaqmi chay ruraytaqa. Puntataqa piensay maykunapi predicay atisqaykimanta, hinaspa piensaytaq imayna runakunawan tupanaykimantapas. Apaytaq chay lawpi predicanaykipaq hina qellqakunata hinaspa Bibliatapas. Cuentata qokuy imamanta rimanaykipaq hinaspa runakunapi interesakuy. Pimanpas predicanaykipaq ñawpaqmantaraq piensaspaykiqa allin preparasqamá tarikunki (Fili. 1:12-14; 1 Ped. 3:15).
5. ¿Imanasqam kallpanchakunanchik maypipas predicananchikpaq?
5 Jehová Diosta hinaspa runamasinchikta kuyasqanchikraykum, maypi kaspapas lliw runakunaman predicayta munanchik (Mat. 22:37-39). Chaymantapas Diospa piñakuynin hichpallapiña kasqanraykum kayna predicaypiqa kallpanchakunanchik. Tiempo kachkaptinraqqa llapallanchikmi listo kananchik Diosmanta runakunaman maypipas predicananchikpaq (Rom. 10:13, 14; 2 Tim. 4:2).