Tukuy tiempom Jehová Diospa Testigon kanchik
1. ¿Imatataq yachanchik yaku apananpaq hamuq warmiman Jesuspa predicasqanmanta?
1 Jesusmi karuman illasqanpi pisipasqa hinaspa yakunayasqa tarikurqa. Discipulonkunañataqmi mikuy rantiq pasarqaku hinaptinmi Jesusqa Samaria llaqtaman chayaykunallapiña samarinanpaq tiyaykurqa. Samariamanqa manam predicaqchu rirqa chaynintam pasarqa Galilea llaqtapi predicananpaq. Chayna kaptinpas lliw tupasqanmanmi predicaq chaymi yakuman hamuq warmimanpas predicarqa (Juan 4:5-14). ¿Imanasqa? Jehová Diospa ‘cheqap [...] allin testigon’ kasqanraykum (Apo. 3:14). Jesusta qatipakuyta munaspanchikqa tukuy tiempom Jehová Diospa testigon kananchik (1 Ped. 2:21).
2. ¿Imaynatataq preparasqa kachwan pimanpas predicanapaq?
2 Preparasqam kananchik: Pimanpas predicanapaqmi preparasqa kananchik chaymi qellqanchikkunata apananchik. Achkaq wawqe-paninchikkunam mayman rispankupas tratadokunata apanku hinaspam qonku llamkapakuqkunaman, gasolina rantikuqkunaman hinaspa pimanpas (Ecl. 11:6). Sapa kuti viajaq iñiqmasinchikmi siemprepuni apan taksachalla Biblianta hinaspa Yachachiq librontawan hinaspam kallpanchakun waqtanpi tiyaqta predicananpaq.
3. ¿Imaynatataq predicayta qallarichwan?
3 Rimayta qallariy: Pimanpas predicaspa rimayta qallarinapaqqa manam Bibliapa yachachisqanmantaraqchu rimananchik. Ejemplopaq yakuman hamuq warmiwan Jesus rimananpaqqa manam chayllachu nirqa Cristo kasqanta aswanqa yakutam mañakurqa tomaykunanpaq chayta uyarispanmi Samariamanta warmiqa Jesuspa nisqanta uyariyta munarqa (Juan 4:7-9). Huk paninchikmi Jesuspa kayna ejemplonta qatipakurqa fiesta punchawpi imayna pasasqanmanta tapuptinku. Manam festejanichu Jehová Diospa testigon kasqayrayku ninanmantaqa, niqmi: “Tanteakurunim chay fiestata mana festejanaypaq”, nispan. Hinaptinmi runakunaqa yachayta munaspanku tapunku imanasqa nispa, chaymi payñataq predicayta qallarin.
4. ¿Imanasqataq Mateo 28:18-20 nisqanqa kallpanchasunki?
4 Jesucristo kay Pachapi manaña predicaspanpas hinallam anchata interesakun payta kasukuspa predicasqanchikpi (Mat. 28:18-20). Chaynaqa Jesuspa ejemplonta qatikuspayá preparasqa kasunchik iñisqanchikmanta tukuy tiempo pimanpas predicananchikpaq (Heb. 10:23).