Tapukuykunapaq kaq

◼ ¿Imatam rurananchik mana predicanapaq pipas kamachiwaptinchik?

Wakin guardiakunam iñiqmasinchikkunata kamachinku mana predicanankupaq leypa nisqanta mana kasukusqankuta piensaspanku. Chayna pasakuptinqa, allinpunim predicasqayki lawmanta hawkalla hinaspa utqaylla pasakuynikiqa (Mat. 5:41; Fili. 4:5). Amayá kikillaykimanta allichanaykipaqqa kallpanchakuychu, nitaq atipanakuychu. Atispaqa, sumaqllata guardiapa qasqonpi kaq numeronta hinaspa llamkasqan comisariapa numerontapas qellqay. Chaymantañataq utqaylla ancianokunaman willakuy, paykunam chay pasakusqanmanta sucursalman willanqaku. Chaynallataqmi hatun wasikuna cuidaq runa chay lawmanta pasakunaykipaq nisuptikiqa, utqayllam pasakunayki hinaspam ancianokunaman willakunayki. Autoridadkunawan hawkalla kayqa yanapawasunmi mana yanqamanta sasachakuykunapi tarikunapaq (Pro. 15:1; Rom. 12:18).