Yanapay Diospa mensajenta hinallata uyarinankupaq
1 Allin willakuykunata predicaspaqa sapa kutillam tarinchik huklaw llaqtakunapi yachaqkunata, huk idioma rimaqkunata otaq makiwan rimaq upakunatapas. Bibliamanta rimasqanchikpi interesakuq wakin runakunapas huk llaqtakunamanpas pasakunmanku. ¿Imaynatam yanapachwan Diospa mensajenta hinalla uyarinankupaq? Sírvase visitar (S-43-S) nisqa formulariota huntachispa.
2 Allin willakuykunata nacesqanku idiomapi predicaptinchikmi, runakunaqa aswan allinta uyarinku (Hech. 22:1, 2). Chayrayku, huk idioma rimaqkunata tarispaqa formulariota huntananchik, Reinomanta mensajepiña mana interesakuptinkupas. Predicasqanchik llaqtapi huk idioma rimaq runakuna achka kaptin, chay idiomapi sapa kutita predicaptinkuqa, manañam formulariota huntananchikchu, uyariqninchik interesakuptillanmi huntananchik.
3 Imaynatam formulariota huntachwan. Sumaqllata tapusunchik sutinta, maypi yachasqanta, telefonontapas. Chay formulariopi qellqay hayka interesakusqanta, haykapi tarinata, ima qellqa saqesqaykita, ima qellqa mañasqanta, ima idiomapi allinta entiendesqanta. Formulariota huntaykuspaña, congregacionpi secretarioman qona, paymi apachinqa chay idiomapi yachachiq congregacionman.
4 Formulario apachina. Sichus secretario mana yachanchu ima congregacionman apachiytaqa, sucursalpi Sección de Territorios nisqa oficinatam tapunman, chaypim willanqaku mayman apachinanta. Chay formulario apachinankupaqqa manañam willanankuchu llaqtapi superintendenteman.
5 Sírvase visitar nisqa formulariota chaskispam congregacionpiqa allichananku, utqaylla visitanankupaq. Kaykunata rurananchikpaq sapakama kallpanchakusunchik, ‘chaymi wiñay kawsanankupaq lliw akllasqa kaqkunapaq’ sonqonta Jehová Diosqa kicharinqa (Hech. 13:48).