Jesuspa wañukusqan punchawta yuyarinapaq invitaciontam Allpantinpi aypusunchik
1. ¿Enteron pachapi imata aypunapaqmi tanteasqaña kachkan?
1 “Chaynatam qamkunapas rurankichik ñoqata yuyariwaspa.” (Luc. 22:19.) Jesuspa kay kamachisqanta kasukuspam, Jehová Diospa serviqninkuna chaynataq achkallaña runakunapas kay 2010 watapi 30 marzo killapi huñunakusunchik Jesuspa wañukusqan punchawta yuyarinapaq. Chaypaqmi, enteron pachapi invitacionta aypusunchik marzo killapa 13-30 punchawkunapi.
2. ¿Imaynatam invitacionta qochwan?
2 Imaynatam rurana. Ichapas invitacionta qawachispa kaynata niwaq: “Marzo killapa 30 punchawnin tutatam, enteron pachapi millonnintin runakuna huñunakusaqku Jesuspa wañukusqan punchawta yuyarinapaq. Kay invitacionmi qampaq hinaspa familiaykipaqpas. Pi amistadnikikunapas allin chaskisqam kanqa”, nispa. Atikuptinqa Lucas 22:19 nisqanpi kamachisqantam leepuwaq, willawaqtaqmi imay hora hinaspa maypi apakunantapas. Ichaqa chay invitacionta qonapaq pisi tiempolla kasqanraykum, ama unaytaqa rimaychu.
3. ¿Pikunatataq invitachwan?
3 Congregacionpa predicanan law hatun kaptinqa, yaqapaschá ancianokunaqa tanteanmanku chay invitacionta qallariymantapacha saqenankupaq, runakuna wasinkupi mana tarikuptinkupas. Allin kaptinqa invitacionta revistakunawan kuskata saqey. Invitaytaq watukusqayki runakunaman, Biblia estudiaqkunaman, llamkaq otaq estudiaqmasikikunaman, aylluykikunaman vecinoykikunaman hinaspa pi reqsisqaykikunamanpas.
4. Jehová Dios ancha kuyawasqanchikmanta agradecekusqanchik, ¿imapaqmi kallpanchawasun?
4 Kallpanchakuy astawan yanapakunaykipaq. Jesuspa wañukusqan punchawta yuyarinapaq tiempoqa allinpunim astawan predicanapaq. ¿Atiwaqchu tiempochakuyta precursor auxiliar kanaykipaq? Wawa-churiki otaq estudiachisqaykikuna, ¿iñiyninpi ñawparichkanchu? Chayna kaptinqa ancianokunawan rimay ichapas manaraq bautizasqa kachkaspan kay invitacionkuna aypuypi yanapakunmanku. Dios kuyakuyninpi ñoqanchikrayku churin qowasqanchikmanta ancha agradecekusqanchikmi, kallpanchawananchik chay huñunakuyman rinapaq hinaspa tukuy atisqanchikkunaman invitanapaqpas (Juan 3:16).