Jesuspa wañukusqanta yuyarinapaqmi invitayta qallarisun
1. ¿Haykapimantam invitayta qallarisun? ¿Imapim tukun chayna rurayqa?
1 Cristopa wañukusqanta yuyarinapaq ancha importante huñunakuypaqmi invitayta qallarisun 2-17 abrilta. Pasaq watakunapi chayna invitasqanchikwanmi achka runakuna hamurqaku. Huk kutipim huk señora chay huñunakuy punchaw Betel wasiman telefonowan qayaspan nirqa: “Wasiyman chayaramuspaymi punkuypi tariruni huk invitacionta. Chay huñunakuyman riytam munani ichaqa manam yachanichu imay hora kasqanta”. Contestaqninñataqmi nirqa invitacionpi chay huñunakuy imay hora kasqanta qawananpaq, hinaptinmi chay señoraqa nirqa: “¡Kunanqa risaqmi chay huñunakuyman!”, nispa.
2. ¿Ima nispam invitachwan?
2 Imaynatam invitachwan. Invitananchikpaq tiemponchik pisilla kasqanraykum, pisillata rimananchik. Saludaspam nichwan: “Kay invitaciontam apamuchkani familiaykipaq. Domingo 17 abriltam Allpantinpi ancha importante huñunakuy kanqa [invitacionta qoy]. Chay fechapim Jesus wañurqa, hinaptinmi Bibliapa nisqanman hina yachasunchik rantinchikpi Cristopa wañusqan imakunapi yanapawasqanchikmanta. Chay huñunakuyqa manam qollqepaqchu. Kaypim nichkan maypi hinaspa imay hora kananta”.
3. ¿Imatam rurasun achka runakunata invitanapaq?
3 Predicana lawkuna hatun kaptinqa, ichapas ancianokuna tanteanmanku wasiyoqta mana tarispaqa punkunpa uchkuchanta chay invitacionta saqenankupaqña. Invitaytaq watukusqayki runata, familiaykita, llamkaqmasikita, estudiaqmasikita otaq pi reqsisqaykitapas. Sabadota otaq domingota invitaq rispaqa munachiwaqmi allinpaq kaptinqa revistakunata. ¿Atiwaqchu precursor auxiliar kaspa astawan predicayta?
4. ¿Imanasqataq munanchik Cristopa wañukusqanta Yuyarinapaq hukkuna hamunanta?
4 Imakunamantam yachanqaku chay huñunakuyman riqkunaqa. Yachanqakum kuyawasqanchikrayku Jehová Dios librawasqanchikmanta (Juan 3:16). Diospa Gobiernon runakunapa allinninpaq kasqanmanta (Isa. 65:21-23). Chaymantapas kallpanchasqam kanqaku Bibliamanta astawan yachayta munaspaqa chay huñunakuypi chaskiqkunata tapukunankupaq. Diostam ruegakuchkaniku invitasqanchik llampu sonqo runakuna Jesuspa wañukusqanta Yuyarinapaq huñunakuyman hamunankupaq.