Yachachispanchik convencechisun
1. ¿Imatam rurananchik predicaspa Bibliamanta allinta yachachinapaq?
1 Apostol Pablo hina ‘Diospa cheqap palabranta allinta yachachinapaqqa’ manam Bibliapa textonkunataqa rimayllachu rimana (2 Timoteo 2:15). ¿Imaynatam convencechichwan yachachisqanchik runakunata? (Hech. 28:23.)
2. ¿Imaynatam uyariqninchikta yanapachwan Bibliapa yachachisqanta astawan respetananpaq?
2 Bibliapa nisqanta qawachiy. Puntataqa Bibliapa nisqantam qawachinanchik chaynapi Diospa yachaywan nisqankunata respetananpaq. Bibliapi confiasqanchikmi runakunata tanqanman leesqanchik textota atencionwan uyarinanpaq (Heb. 4:12). Ichapas kaynata nichwan: “Kay rimasqanchikmanta Diospa ima piensasqanmi ñoqata allintapuni yanaparuwan. Qaway Bibliapa nisqanta”, nispa. Arí, atispaqa Diospa Palabranta leesun ima nisqanta qawananpaq.
3. Huk textota leespanchik, ¿imatam rurachwan uyariwaqninchik entiendenanpaq?
3 Chaymantapas, leesqanchik textotam allinta entiendechina. Achka runakunam chayllaraq huk textota uyarisqankurayku sasachakunku entiendenankupaq. Chaymi necesitanku yachachinanchikta (Luc. 24:26, 27). Imamantapas yachachispaqa qawachinanchikmi ima palabrataq yachachisqanchikwan tupasqanta. Tapukuytapas rurachwanmi entiendewasqanchikta yachanapaq (Pro. 20:5; Hech. 8:30).
4. ¿Imatawanmi rurachwan yachachispa runakunapa sonqonman chayanapaq?
4 Bibliapa nisqanwan piensarichisun. Musyakunanchiktaqmi uyariwaqninchikpa sonqonpi ima kasqanta hinaspa ima piensasqantapas. Qawachisun Bibliapa yachachisqan imayna yanapananmanta. Bibliapa nisqanman hina yachachispaqa, yaqapaschá convencechisun hinaptinmi imayna piensasqantapas tikranqa (Hech. 17:2-4; 19:8). Ejemplopaq, Mateo 6:9 nisqanta leespam nichwan piwanpas amistadta ruranapaq sutinta yachayqa ancha allin kasqanta. Hinaspam nichwan: “Piensasqaykiman hina Diosta mañakuyniki, ¿aswan allinchu kanman sutinta yachaptikiqa?”, nispa. Bibliapa nisqan imayna yanapasqanta qawachiptinchikqa Diospa Palabran ancha valorniyoq kasqantam qawanqa. Hinaptinqa convencechispa Bibliapa nisqanta yachachiptinchikqa, allin sonqoyoq runakunam Jehová Diosta serviyta munanqaku (Jer. 10:10).