La Biblia: el poder que ejerce en su vida

Enteron pachapim millonnintin runakuna Bibliapa yanapakuyninwan allintaña kawsakuchkanku. ¿Bibliapa ima yachachisqankunataq yanapawanchik sapa punchaw sasachakuykunata atipanapaq? Chaypaqmi kallpanchaykiku La Biblia: el poder que ejerce en su vida nisqa videota qawanaykipaq. Kayqa La Biblia: el libro más antiguo y actual DVD nisqapa 2 kaq yachachikuyninmi. Kay videota qawaruspayki qatiqnin tapukuykunata kutichiy:

1) ¿Imanasqataq ninchik Bibliaqa wakin librokuna hina mana kasqanta? (Heb. 4:12.) 2) Runakunata Biblia yanapaptinqa, ¿imanasqataq achka sasachakuykunapi tarikunku? 3) ¿Imamantam Bibliaqa astawan yachachin? 4) ¿Bibliapi ima textokunataq yanapan casarasqa kaqkuna a) rimanakuyninku aswan allin kananpaq hinaspa b) genionkuta controlanankupaq? 5) ¿Imanasqataq Bibliapa yachachisqanman hina casado vidata qawayqa familiapi kusisqa kanapaq yanapan? (Efe. 5:28, 29.) 6) ¿Imaynatam Jehová Diosta qatipakunmanku wawa-churiyoq kaqkunaqa? (Mar. 1:9-11.) 7) ¿Imatam tayta-mamakuna ruranmanku familiankuwan Biblia estudiasqanku aswan allin kananpaq? 8) Bibliapa nisqanman hina, ¿imatawanmi tayta-mamakunaqa churi-wawankupaq ruranmanku Bibliamanta yachachispankupas? 9) ¿Bibliapa mayqan textonkunataq familiata yanapanman qollqemanta sasachakuyta atipanankupaq? 10) ¿Bibliapi mayqan yachachikuyninkunataq limpio kaymanta, drogamanta, sinkakuymanta hinaspa llumpay rurayninchikwan hukmanyasqanchikmanta yanapawanchikman allin kanapaq? 11) ¿Bibliapa ima willakusqankunataq sumaqllaña suyakuyta qowanchik? (Job 33:25; Sal. 145:16.) 12) ¿Imaynatam qamtapas Bibliapa yachachisqankuna vidaykipi yanapasurqanki? 13) ¿Imaynatam kay videota servichikuwaq hukkunata yanapanaykipaq?