Enteron pachapim mosoq folletowan predicasun
1. ¿Imatam noviembre killapi runakunaman qosunchik, hinaspa imapim yanapanqa?
1 ¿Yuyankichu qayna 2009 watapi “¡Listollayá kaychik!”, niq kimsa punchaw asambleapi mosoq folleto chaskisqanchikta? Sutinmi karqa La Biblia y su mensaje. Noviembre killapim enteron pachapi chayllaraq kay folletota runakunaman qosunchik. ¿Imaynatam yanapanqa runakunata? Yaqa llapallan runakunam mana allintachu Bibliamantaqa yachanku. Kay folletom 3 paginapi nisqanman hina allinta yanapanqa imakunamanta Biblia yachachisqanta musyakunankupaq.
2. ¿Imaynatam kay folletowan predicachwan?
2 Imayna predicanamanta. Kaynatam niwaq: “¿Imatam niwaq kay textomanta? [Leey 2 Timoteo 3:16.] Achka runakunam kay textopa nisqanwan acuerdopi kachkanku, wakinñataqmi piensanku Bibliaqa wakin librokuna hina allin kasqanta. Qamqa, ¿imatam piensanki Bibliamanta? [Kutichinanta suyay.] Ima religionniyoq kaspapas allinmi kanman kikinchikmantapuni Bibliapa nisqanmanta yachayqa [leey 3 paginapi qallariyninta]. Kay folletoqa pisi rimayllapim Bibliapa yachachisqanmanta willakuchkan, leesqaykiman hinam musyakunki imamantapuni aswan yachachisqanta”, nispa.
3. Predicasqayki lawpi runakuna Bibliapi mana iñiptinkuqa, ¿imaynatam predicachwan?
3 Sichu predicasqayki lawpi achka runakuna Bibliapi mana iñiq kaptinkuqa kaynatapas niwaqmi: “Yachaytam munayman respetana libropa kayna nisqanmanta ima piensasqaykita [leey Salmo 37:11]. Piensasqaykiman hina, ¿imaynataq kay Allpa pacha kanqa kay leesqanchik cumplikuptin? [Kutichinanta suyay.] Kay leesqanchikqa qawachinmi Bibliaqa pimanpas sumaq suyakuytawan consuelo qoy atisqanta”, nispa. Leey folletopa 3 paginanpi punta kaq parrafonta, hinaspa folletota qoy.
4. ¿Imaynatam estudiota qallarichwan folletota servichikuspa?
4 Estudiota qallarinapaq. Kaqmanta watukuspaqa yuyarichichwanmi ñawpaqpi rimasqanchikta, hinaspam tapuykunata servichikuspa folletopa huk-iskay parrafonta yachachichwan imamanta rimasqanchikman hina. Otaq Yachachiq librota qoyta munaspaqa, folletopa tukuyninpi kaqtam leechwan, hinaspam librota qospa nichwan mayqan yachachikuynintapas akllakunanpaq, chaymantañataq paywan huk-iskay parrafota estudiachwan. Chaynaqa, ¡llapallanchikyá noviembre killapi kay folletowan predicasun!