“Testimonio cabal” del Reino de Dios
1. ¿Ima librotam estudianqaku 14 marzo semanamanta Biblia Estudianapaq Huñunakuypi?
1 Achka congregacionkunapim “Testimonio cabal” del Reino de Dios sutiyoq librota estudianqaku 2011 watapi 14 marzo semanamanta Biblia Estudianapaq Huñunakuypi (quechuapiqa hinallam estudiasun: “Ven, sé mi seguidor” librota). Kay qellqam lliw leeqkunata yanapanqa Hechos libropi willakuykunata yaqa rikuchkankumanpas hina estudianankupaq. Manam qatinasllanpichu willachkan sapa versiculomanta, aswanqa Hechos libro ima yachachiwasqanchikmanta hinaspa imaynata sapakama kasukunamantam (Rom. 15:4).
2. “Testimonio cabal” sutiyoq libropa imayna kasqanmanta willamuy.
2 ¿Imaynataq kay libroqa? 2 kaq paginapim Diospa Llaqtanpi Punta Apaqkunapa kuyakuywan cartamusqanku niwanchik chay librowan imayna yanapachikunamanta. 2 kaq yachachikuymantapacham pisillapi willakun imamanta chaypi rimasqanta hinaspa nintaq Hechos libropa mayqen partenmanta yachanamantapas. Chaynataq libropa recuadronkunapim willachkan runakunamanta, sitiokunamanta otaq imakuna pasasqanmantapas. Paginankunapa waqtankunapitaq kachkan mana qellqasqa lawkuna chaypi qellqanapaq. Sapa dibujokunañataqmi yanapawasunchik imakuna pasasqanmanta allinta entiendenapaq, 224 kaq paginapim listapi rikurichkan dibujokunawan tupaq kaq wakin yachachikuykuna. Chaymantapas, qarankunapa ukunpim kachkan mapakuna, chaywanmi yachachwan punta pachak watapi cristianokuna allin noticiamanta “kay pachapa cantonkama” willasqankumanta (Hech. 1:8).
3. ¿Ima ancha allin tapukuykunatam contestanqa Hechos libromanta estudio?
3 Allin tapukuykunam contestasqa kanqa. Hechos libromanta estudiasqanchikmi contestawasun cristianokunapa ima rurananchikmanta ancha allin tapukuykunata. ¿Ima ruraypi hinaspa imamanta willasqankupitaq mana chaynallachu hukkunawan kanku Cristopa qatiqninkunaqa? ¿Pitaq allpantinpi predicasqanchikta dirigichkan hinaspa imaynata? ¿Imapaqtaq cristianokunata serviwanchik qatikachasqa kasqanchik chaynataq contranchikpi kasqankupas? ¿Imaynatam chuya espiritu yanapawanchik predicasqanchikpi?
4. ¿Imaynatam kay librota estudiaspa allinta yanapachikuwaq?
4 Allinta yanapachikunaykipaqqa tiempochakuy estudianaykipaqwan preparakunaykipaq, chaynapi huñunakuypi rimarinaykipaq. Ama faltakuychu huñunakuyman hinaspa yuyaymanay sapa yachasqaykita predicacionpi imayna servichikunaykipaq. Munachkanikum Diospa Gobiernonmanta llapallanman predicanapaq kay sumaq librota estudiasqanchik kallpanchawananchikta (Hech. 28:23).