Iñiyninkuta qatipakunapaq
1. ¿Ima qillqatam 19 octubre killamanta estudiayta qallarisunchik?
1 Kay watamantam 19 octubre killamantapacha estudiayta qallarisunchik Iñiyninkuta qatipakunapaq nin librota. Kay qillqapim yachasunchik Diosman sunqu 14 runakunamanta. Chaypim yachasunchik Jehova Diosta yupaychasqankurayku ima sasachakuykunapi tarikusqankumanta hinaspa imayna atipasqankumantapas, chayqa allintam yanapawasun Dios yupaychayninchikpi hinaspa allinta kawsakunanchikpaqpas (Heb. 6:12).
2. Chay libro imayna kasqanmanta rimarimuy.
2 ¿Imakunataq kachkan chay libropi? Sapa law qaranpi willakuykunam yanapawasun maypi hinaspa imay watapi pikuna kawsasqankumanta yachananchikpaq. Sapa yachachikuypa tukupayninpim kachkan piensarinapaq tapukuykuna. Chayqa yanapawasunmi yuyaymanaspa ñuqanchikpas imaynata kawsakunapaq. Sapa yachachikuypitaqmi kachkan sumaqllaña dibujonkunapas.
3. ¿Imaynatam allinta yanapachikuchwan chay librowan?
3 ¿Imaynatam yanapachikuchwan? Chay libropa qallariyninpim Diospa llaqtanpi punta apaqkunapa cartanpi kallpanchawanchik sapa yachachikuypi imayna sasachakuykunawan tarikusqankupi yuyaymananapaq, hinaspa paykuna hina tarikuspaqa imata ruwananchikmanta. Chay yachachikuykunawan yanapachikunapaqqa yuyaymananam, chaypaqqa tiempochakunam. Chaynata ruwaspaqa allintam yanapachikusun (Neh. 8:8). Mayqin yachachikuypas iskay kutipi utaq maspi estudianapaq kaptinqa, yachachiqmi pasaq semanapi yachasqankuta manapas huk minutopi yuyarichinan. Chaypaqqa yanapachikunmanmi piensarinapaq nisqanpi tapukuykunawan.
4. ¿Imanasqataq chay librota estudiayninchikqa ancha allin?
4 Satanaspa munaychakusqan kay pacha tukuy mana allin ruwaykunam iñiyninchikpi hukmanyachiwanchik. Chaymi chay libropi hinaspa Willakuq qillqapi Iñiyninkuta qatipakunapaq niq yachachikuykunaqa iñiyninchikpi mana chiriyarunapaq Jehova Diospa hatun bendicionnin (Sant. 1:17). Chaynaqa llapallanchikyá kallpanchakusun chay librota estudiananchikpaq huñunakuyninchikkunaman hamuspa chaynataq tukuy sunqunchikwan rimarispa.