Jehová Diosmi hatunchasqa kanqa
1. Discursota uyarisqankumantapas, ¿imakunata reparaspankutaq watukamuwaqninchikkunaqa Diosta hatunchanmanku?
1 ¿Haykapi? Cristopa wañukusqanta Yuyarisqanchikpim. Chaypaqmi anchata kallpanchakuchkanchik runakunata invitananchikpaq. Munanchikmi uyarisqankuwan chaynataq qawasqankuwan Dios hatunchanankuta. Cristopa wañukusqanta Yuyarinapaq huñunakuyman risqan qepatam huk señora willakurqa chaypi kaqkuna kusikuywan chaskisqanmanta hinaspa huñunakusqanku sitio sumaq allichasqa hinaspa limpio kasqanmanta. ¿Imatam kay yachachiwanchik? Discurso qoqpas chaynataq ñoqanchikpas kallpanchakunanchikmi chay huñunakuypi Jehová Dios hatunchasqa kananpaq (Efe. 4:16).
2. ¿Imaynatam hamuqkunata kallpanchachwan Diosta hatunchanankupaq?
2 Hamuqkunatayá kuyakuywan chaskisun. Chay huñunakuyman hamuqkunata kuyakuywan hinaspa kusisqa chaskiptinchikqa Diostam hatunchanqaku (Juan 13:35). Ichapas llapanwanqa parlariyta mana atinkichu, chayna kaptinpas hichpaykipi kaqkunawanqa rimayta atiwaqmi (Heb. 13:1, 2). Pipas chayllaraq hamusqanmanta cuentata qokunaykipaqmi qawan-qawanlla kanayki: ichapas invitacionta saqesqanchikrayku hamuchkan. Tapuwaqmi: “¿Chayllaraqchu kay huñunakuyman watukamuwachkankiku?”, nispa. Awriki nisuptikiqa, kuska tiyanaykichikpaq niy hinaspa yanapay ima tapukuynin kaptinpas. Chay huñunakuy tukuyllata huk congregacion huñunakunanpaq lloqsinaykichik kaptinqa, ichapas niwaq: “¿Imaynam rikchakusurqanki kay huñunakuyqa? ¿Imaynatataq kaqmanta rimarichwan?”, nispa.
3. ¿Imatam rurachwan iñiyninpi chiriyaruqkunata kallpanchanapaq?
3 Iñiyninpi chiriyasqakunatam kusikuywan chaskina. Chay huñunakuymanqa ichapas hamunqaku iñiyninkupi chiriyasqa kaqkuna, wakinqa chay huñunakuyllamanmi sapa wata hamunku. Paykunata kuyakuywan chaskiy, tupaykusqaykiwan cheqap kusikusqaykita qawachiy (Rom. 15:7). Chaymantam ancianokuna watukunmanku huñunakuykunaman hinalla hamunankupaq kallpanchaq. Oracionpim mañakuchkaniku chay huñunakuyman hamuqkuna uyarispanku hinaspa “allin rurasqaykichikta qawaspanku” Diosta hatunchanankupaq (1 Ped. 2:12).