Tapukuykunapaq kaq

◼ ¿Haykapikamataq estudiachinanchik iñiyninpi ñawpariqta?

Bibliata estudiachisqanchik iñiyninpi ñawpariptinqa allinmi kanman 2 librota tukuchiyninchik: ¿Imatapunim Bibliaqa yachachin? hinaspa ‘Diospa kuyakuyninpiyá takyasunchik’ librokunata. Kay librokunata estudiayta manaraq tukuchkaspan bautizakuruptinpas tukunankamam hinalla estudiachinanchik. Watukusqanchiktawan estudiachisqanchik tiempotaqa hinallam yupananchik. Riqmasinchikpas tiempontam yupanan (qawariy km09 03 pág 2).

Diosta chayllaraq serviqkunataqa allintam cheqapmanta yachachinanchik paykunawan estudiayta manaraq tukuchkaspa. Hamuq tiempopi ima sasachakuytapas atipanankupaqmi Cristopi ‘hapipakunanku’ hinaspa ‘iñiyninkupipas sumaqta takyananku’ (Col. 2:6, 7; 2 Tim. 3:12; 1 Ped. 5:8, 9). Chaymantapas ‘cheqap yachachikuykunatam’ allinta reqsinan, hukkunamanpas chayman hina allinta yachachinanpaq (1 Tim. 2:4). Iskaynin librota tukunankama estudiantenchikta yanapaspaqa ‘wiñay kawsananpaqmi’ yanapachkanchik (Mat. 7:14).

Ancianokunaqa segurom kananku bautizakuy munaqqa bautizakunanpaq hina yachachikuykunamanta entiendesqanta hinaspa chayman hina kawsasqanmantapas, chayñam estudianteman willananku bautizakunanpaq. Astawanraqmi estudiante punta kaq librota manaraq tukuptinqa. Pipas bautizakunanpaq hina manaraq kaptinqa bautismoman chayanankama pipas allinta yanapananpaqmi tanteananku (qawariy ‘Rispayá qatiqniykunaña kanankupaq bautizamuychik’ niq qellqapa 59-62 paginankunata).

[2 kaq paginapi suti rikuylla kaq willakuy]

Diosta chayllaraq serviqkunataqa allintam cheqapmanta yachachinanchik