Chayraq bautizasqakunatayá hinalla yanapasunchik

¡Mayna kusikuypaqmi runamasinchikta yanapanapaq Jehova Diospa bendeciwasqanchikqa! (Deut. 28:2.) Sapa watam bautizakuchkanku 250.000 masnin runakuna. Chaymi bautizakuruptinkuqa Biblia estudiachiqninqa manaña estudiachinñachu hukkunataña yanapananrayku. Wakin estudiantepas bautizakuruspanqa manañam estudiayta munanñachu astawan predicayta munasqanrayku. Ichaqa chayraq bautizasqakunaqa iñiyninkupim allin takyasqa kananku. Paykunaqa ‘allin sapichakuchkaq sacha hinam iñiyninkupi sumaqta takyananku’ (Col. 2:6, 7; 2 Tim. 3:12). Chaymi bautizakuruptinkupas hinalla estudiachinanchik Yachachiq librota hinaspa ‘Diospa kuyakuyninpiyá takyasunchik’ niq librota tukunankukama (Qaway 2011 abril killapaq lloqsimuq Diospaq Llamkayninchik qellqapa 2 paginanta).