Diospa sutinyá chuyanchasqa kachun
1. ¿Imamantam yachasun iskay punchaw asambleapi, hinaspa maymanta horqosqam kachkan?
1 Jehová Diospa testigon nispam sutichakunchik 1931 watamantapacha, Lliw Kamachiqpa sutinta apasqanchikraykum favorecesqa kanchik. Kikin Jehová Diosmi chay sutita qowarqanchik (Isa. 43:10). Jesuspas Taytanpa sutintaqa hatuncharqam chaymi imayna mañakunapaq yachachispan Taytanpa sutinta puntapi churarqa (Mat. 6:9, NM). Septiembre 2011 watamanta agosto 2012 watakama iskay punchaw asambleapa yachachikuyninmi chay mañakuymanta horqosqa kachkan “Diospa sutinyá chuyanchasqa kachun” niq.
2. ¿Imakunamantam yachasun asambleapi?
2 Imakunamantam yachasun. “Precursor kaspam Diospa sutinmanta astawan willakunchik” niq discursopim precursor hina Diosta serviyqa imanasqa kusichiwasqanchikmanta sabadota yachasunchik. “Jehová Diospa sutintam mana qachachanachu” niq rakinasqa discursokunam yanapawasun reqsisqa tawa toqllakunamanta cuidakunapaq. “Imanasqam Diospa sutin chuyanchasqa kanan” niq discursoñataqmi yanapawasun predicasqanchikta uyariyta mana munaptinkupas astawan predicaspa pitapas yanapanapaq. Domingotañataqmi uyarisunchik rakinasqa tawa discursokunata chaypim yachachiwasun piensasqanchikwan, rimasqanchikwan, tanteasqanchikwan hinaspa portakusqanchikwan Diospa sutinta imayna chuyanchanamanta. Lliw runakunapaq discursopiñataqmi chayllaraq riqkuna uyarinqaku kayna niq discursota: “Armagedonpim Jehová Diospa sutinqa chuyanchasqa kanqa”.
3. ¿Imapaqmi kallpanchakunanchik hinaspa imaynatam kay asamblea yanapawasun?
3 Jehová Diosqa sutintam chuyanchanqaña (Eze. 36:23). Chaykamam hinalla kallpanchakunanchik Diospa sutinta mana yanqachananchikpaq. Chay iskay punchaw asambleaqa yanapawasunmi imayna kawsayninchikwan Diospa sutinta allinta apananchikpaq.