Diospa munasqanyá rurakuchun
1. ¿Imam sutin huk punchaw asambleapa hinaspa imanasqataq chaymanta yachananchik?
1 Jehová Dios munasqanraykum runakunaqa unanchasqa karqanchik (Apo. 4:11). Chaymi sumaq kawsakuyta munaspaqa Diospa imam munasqanmanta yachananchik hinaspa kasukunanchik. Chayna kawsayqa sasam, ¿imanasqa? atipanakunchikmi ‘mana allin piensasqanchikwan [...] aychanchikpa munasqanwan’ otaq ‘Diospi mana iñiqkunapa munasqanta ruraspa’ (Efe. 2:3; 1 Ped. 4:3; 2 Ped. 2:10). Jehová Dios mana yanapawaptinchikqa sasachakuypichá kachwan ‘Satanasmi [...] presocharuwachwan munayninpi purinapaq’ (2 Tim. 2:26). Huk punchawpaq asambleam qallarinqa septiembre 2011 watamanta agosto 2012 watakama, chaymi yanapawasun Diospa munayninman hina kawsanapaq (Mat. 6:9, 10). Chay asambleapa sutinmi: “Diospa munasqanyá rurasqa kachun”.
2. ¿Ima tapukuykunamantam kutichiwasun huk punchawpaq asambleapi?
2 Ima tapukuykunatam kutichinqa. Qatiqninpi tapukuykunamanta asambleapi kutichisqanta allinta uyariy: Diospa Palabranta uyarispapas, ¿imatawanraqmi rurananchik? ¿Imaynatam cuentata qokuchwan imatam Dios ñoqanchikpaq munasqanmanta? ¿Imanasqam lliw runakunata yanapananchik? ¿Imaynatam allinta hinaspa kusisqa kawsakuchwan? Mozo-sipaskuna, ¿imatam Jehová Diosman qawachinaykichik? ¿Ima bendicionkunatam chaskisun Diospa munayninta ruraspaqa? ¿Imanasqataq iñiqmasinchikkunata chaylla kallpanchananchik?
3. ¿Imaynatam allinta yuyachwan huk punchaw asambleapi yachasqanchikkunata?
3 Asambleaman rinaykipaq hinaspa allinta uyarinaykipaq kallpanchakuy. Yaqapasmi huknin discursanteqa kanqa Betel wasimanta otaq congregacionkunata watukuq iñiqmasinchik. Huñunakuy manaraq qallarichkaptin otaq huñunakuy tukuyta paywan hinaspa señoranwan parlarinaykichikpaqmi kallpanchaykiku. Uyarisqaykikunata ama ‘qonqarunaykipaq’ wasiman chayaspa familiaykiwan parlariy (Sant. 1:25). Kuska tanteaychik Diospa munayninta imaynata astawan ruranaykichikpaq.
4. ¿Imanasqataq Diospa munayninta puntapi churananchik?
4 Jehová Diosqa chayllam chinkachinqaña munasqankuman hina kawsaspa Diospa munayninta mana ruraqkunataqa (1 Juan 2:17). ¡Anchatam Jehová Diosta agradecekunchik tiempollanpi yachachiwasqanchikmanta! Kayqa yanapawasunmi Diospa munayninta puntapi churananchikpaq.