¿Chaskinankupaq hinachu kachkan?

Allinmi kanman chayna tapukuyninchik, predicacionpi qellqanchikkunata manaraq munachichkaspa. Qellqanchikkuna qenpisqa, mawkayasqa, qachachasqa otaq llikisqa kaptinqa salvakunankupaq yanapaq yachachikuyninkunatam yanqachanman hinaspapas Diospa llaqtanmantam mana allinta rimanmanku.

¿Imaynatam sumaqlla kananpaq cuidachwan? Wakinmi allinta cuidanku maletinninkuman otaq bolsankuman sayayninman hina otaq imayna kasqanman hina churaspanku. Tanteankuñam maylawpi libronkuta, revistankuta, folletonkuta hinaspa tratadonkuta winanankupaq. Piwanpas rimayta tukuruspankuqa sumaqllatam Bibliata hinaspa servichikusqan qellqatapas kutiykachinku maletinninkuman otaq bolsankuman. Wakiñataqmi qellqanchikkunata waqaychanku qellqakuna waqaychana forrokunapi. Imaynata waqaychaptinchikpas qellqanchikkunaqa chaskinankupaq hinam kanan, chaynata cuidaptinchikqa manam pipas mana allintaqa rimanqachu Dios serviyninchikmanta (2 Cor. 6:3).