Bibliamanta qellqanchikkunata allinta servichikusunchik
1, 2. ¿Imatam ninku runakuna Bibliamanta qellqanchikkunamanta, hinaspa ima tapukuytam rurakuchwan?
1 “1965 watamantaraqmi Bibliamanta qellqaykichikkunata leechkani. Bibliawan tupachispaymi leeni chaymi tukuy nisqaykichikqa Bibliapa nisqanpi hina. Unaymantaraqmi munarqani Diosmantawan Jesusmanta cheqapta yachaytaqa chaymi cheqaptapuni nini tapukuyniykunapa kutichikuyninkunataqa tarichkanim Bibliamanta qellqaykichikta leespa hinaspa Bibliatawan leespa.” Chaynata nispanmi huk runa qellqarqa Bibliata estudiayta mañakuspa Jehová Diospa testigonkunapa oficina central nisqanman.
2 Kay runa hinam allpantinpi wara-waranqa runakuna agradecekunku Bibliata estudianapaq yanapakuykunata “allin yuyayniyoq confianza sirviente” qosqanmanta (Mat. 24:45). Sapa watam achkanpi rurakun Bibliamanta qellqakunata allin sonqoyoq runakuna ‘cheqap yachachikuy reqsinankupaq’ (1 Tim. 2:4). ¿Imaynatam allinta servichikuchwan Bibliamanta qellqanchikkunata?
3. ¿Imatam rurachwan Bibliamanta qellqanchikkunata mana usuchinapaq?
3 Ama usuchisunchikchu: Yaqapaschá tiempo pasasqanman hina wasinchikpi churarayachkan Bibliamanta qellqanchikkuna mana servichikuptinchik. ¿Imatam rurachwan chaninniyoq Bibliamanta qellqanchikkunata mana usuchinapaq? Predicanapaq hayka mañakunatam allinta tanteakunanchik. Bibliamanta huk qellqallata achkanpi mañakunamantaqa, horqochwanmi huk-iskay qellqallata hinaspa runakunaman lliwta qospaña, yapamanta mañakuchwan. Chaynata ruraptinchikmi wasinchikpiqa manaña churarayanqañachu. Chaynallataqmi, revistanchikkuna wasinchikpi achkallaña churarayaptinqa, ichapas asllataña mañakunanchik.
4. ¿Imatam rurana congregacionpi Bibliamanta puchuq qellqakunawan?
4 Bibliamanta puchuq qellqakuna: Congregacionpi Bibliamanta qellqakuna puchuptinqa, qellqakunamanta encargasqa wawqenchikmi segurakunan sichum mayqan congregacionpas munanman. Predicaqkunañataqmi, munachinmanku ñawpa kaq qellqakunata mana iñiq ayllunkunaman, Bibliata estudiaqkunaman hinaspa hukkunamanpas. Munankumanpaschá congregacionwan chayllaraq huñunakuqkunapas Bibliamanta qellqakunata wasinkupi churaspanku kikinku servichikunankupaq.
5. ¿Imaynatam qawachichwan Bibliamanta qellqanchikkunata kuyasqanchikta?
5 Jehová Diospa sumaq munayninkunamanta allin sonqoyoq runakuna yachanankupaqmi Bibliamanta qellqanchikkunawan yanapayta munanchik. Imaynam Jesuspas puchuq mikunata mana usuchirqachu anchka runakunata milagrowan mikuchispa, chaynam ñoqanchikpas valorniyoq Bibliamanta qellqanchikkunataqa allintapuni servichikunanchik (Juan 6:11-13). Bibliamanta qellqanchikkunapa salvaq willakuyninqa manam chayanqachu allin ruray kuyaqkunapa sonqonmanqa chay qellqakuna wasinchikpi, predicanapaq bolsanchikpi otaq maletinninchikpipas churarayaptinqa. Chayraykuyá, allin yuyayniyoq kayta yachasun Bibliamanta qellqakunata predicanapaq mañakuspanchik hinaspa allinta servichikusun runamasinchikta yanapanapaq (Fili. 4:5).