Los testigos de Jehová: una historia de fe viva. Parte 1: Salen de la oscuridad
Bibliam achkiyta tupachin cheqap yachachikuykunawan, pantay yachachikuykunatañataqmi tutayaywan (Sal. 43:3; Isa. 5:20). Evata Satanas engañaruptinmi runakunaqa Diosmanta karunchakuspa tutayaypi hina kayta qallaykurqaku. Kunanpas runakunaqa tutayaypi hinam kachkanku (Apo. 12:9). Los testigos de Jehová: una historia de fe viva. Parte 1: Salen de la oscuridad nisqa videopim willawanchik cheqap yachachikuykuna achkiriy hina imayna qallaykusqanmanta (Isa. 60:1, 2). Kayta qawaruspaykiñataq kay tapukuykunata kutichiy.
1) Apostolkunapa wañukusqan qepata, ¿imaynatam Diosmanta pantay yachachikuykuna mirarurqa? 2) Siglo XII nisqamanta ¿imakuna pasakusqanwanmi runakunaqa cuentata qokururqaku Iglesiapa yachachisqankuna pantay kasqanmanta? 3) ¿Pikunataq karqaku Henry Grew hinaspa George Storrs? 4) ¿Imakunam Russellpa vidanpi pasakurqa? 5) ¿Imaynatam Bibliata estudiaqku wawqenchik Russellwan taytan chaynataq estudiaqmasinkunapas? ¿Ima acuerdokunamanmi chayarqaku? 6) ¿Imaynatam Russellwan Biblia estudiaqmasinkunaqa hukllawakururqaku Nelson Barbourpa gruponman? ¿Chaymantaqa imanasqataq rakinakururqaku? 7) ¿1879 julio killapi ima pasasqanmi qawachirqa Jehová Dios llaqtanta cheqap yachachikuykunawan achkirichisqanta? 8) Chay qepamanqa ¿imatam rurarqaku Biblia Estudiaqkuna Diosmanta astawanraq willakunankupaq? 9) ¿1914 watapi ima pasakunantam Biblia Estudiaqkunaqa suyachkarqaku? 10) ¿Ima sasachakuykunatam Biblia Estudiaqkunaqa atiparqaku wawqenchik Russell wañukuptin? 11) ¿Imatam rurarqaku Biblia Estudiaqkuna wawqenchik Rutherfordwan amistadninkuna preso kasqankumanta lloqsiramuptinku? 12) ¿Imaynatam kay video yanaparusunki Jehová Diospa llaqtanta astawan chaninchanaykipaq? 13) Chaymantapas, ¿imaynatam kallpanchasunki sasachakuy kaptinpas Diosmanta ganaswan willakunaykipaq? 14) ¿Imaynatam familiaykita, Biblia estudiaqkunata chaynataq huk runakunatapas yanapanaykipaq kay videota servichikuwaq?
¡Mayna chaninniyoqmá punta Biblia Estudiaqkunapa qatipakunapaq saqewasqanchikqa! Tutayaypi hina pantay yachachikuykunapa chawpinpi kachkaspankupas achkirichkaq hinam Diosmanta mana manchakuspa willakurqaku. Paykuna hinayá achkiypiña purisun allinta kawsaspa (Efe. 5:8).